Chŭng-cáik

Lài-nguòng: Wikipedia
Tiéu gáu: īng-dô̤sìng-tō̤
Bă-là̤ (Paris) gì Dṳ̆ng-guók-nè̤ng lā̤ guó Chŭng-cáik.

Chŭng-cáik (春節) sê Dṳ̆ng-guók dék dê̤ṳng-iéu gì nièng-cáik, kéng-cé̤ṳk sĭng gì siŏh nièng gì kăi-sṳ̄. Chŭng-cáik gì nĭk-gĭ ék-buăng téng gô-lĭk Ciăng-nguŏk chĕ̤-ék gáu Ciăng-nguŏk sĕk-ngô (Nguòng-siĕu-cáik). Dṳ̀ lā̤ Dṳ̆ng-guók, găk Dài-uăng, Uŏk-nàng, Dièu-siēng, Hàng-guók, Nĭk-buōng dēng siŏh piĕ Dĕ̤ng-ā guók-gă gâe̤ng dê-kṳ̆ iâ ô guó Chŭng-cáik gì hŭng-sṳ̆k.

Găk Chŭng-cáik cī gūi nĭk, gáuk-gă-gáuk-hô dŭ â̤ táik dó̤i-lièng, bóng páu-tiông, siĕh Tái-bìng-iéng, giēu, tòng-guōi, sáe̤ng niāng-gŏ̤ dáh-huói-cièng dēng uăk-dông lì kéng-cé̤ṳk ciā cáik-nĭk.

Ô-guăng gì diòng-siók[Siŭ-gāi]

Gŏng-gé̤ṳ diòng-siók, gū-cā Dṳ̆ng-guók ô siŏh cṳ̄ng dông-ŭk hô̤ lō̤ "nièng" (年). "Nièng" áuk-hìng-áuk-câung, â̤ châung diē chió lā̤ siĕh nè̤ng. Gó-chṳ̄, gáuk-gă-gáuk-hô cêu bóng páu-tiông, táik è̤ng-sáik gì cāi diŏh muòng lā̤, cūng-kuāng lì ké̤ṳk "nièng" dṳ̆k cāu.

Nguôi-buô lièng-giék[Siŭ-gāi]