Ò̤-siông Géu-sĕng-dòng
 | Cī piĕng ùng-ciŏng ô Háng-cê gì bēng-buōng. Chăng-kō̤ ĭ gì Háng-cê bēng-buōng. 參考伊其漢字版本。 |
| Ò̤-siông Géu-sĕng-dòng (Dūng Hông Siĕng-sṳ̆ Cū-dâing) | |
|---|---|
|
河上救生堂 (董奉仙师祖殿) | |
 | |
| Cŭng-gáu | |
| Cŭng-gáu |
Dô̤-gáu Dṳ̆ng-guók mìng-găng séng-ngiōng |
| Ôi-dé | |
| Ôi-dé |
Hók-gióng Hók-ciŭ Dài-gĕ̤ng Siông-ò̤-diē (nguòng-lài) Dài-gĕ̤ng Băh-mā Nàng-lô 432 hô̤ (tṳ̀ng kī) |
| Guók-gă |
 Dṳ̆ng-guók |
| Cô̤-biĕu | 26°03′51″N 119°17′27″E / 26.06404°N 119.29084°E |
| Gióng-dê̤ṳk | |
| Kī gì sì-găng |
Mìng-dièu muăk-gĭ (nguòng-lài) 2012 nièng (tṳ̀ng kī) |
| Dê-dù | |
 | |
Ò̤-siông Géu-sĕng-dòng (河上救生堂), gāng-chĭng Géu-sĕng-dòng (救生堂), iâ hô̤ lā̤ Dūng Hông Siĕng-sṳ̆ Cū-dâing (董奉仙師祖殿)[1], sê Hók-ciŭ Dài-gĕ̤ng gì siŏh ciáh miêu, gé̤ṳng Dūng Hông, Lìng-cūi-nā̤, Sùng-ò̤ Gŏ̤ Dŭ-dók (巡河高都督, "Chék-iè 七爺"), Hô̤-gá Ciĕng Ciŏng-gŭng (護駕詹將軍 "Báik-iè 八爺"), Siū-gīng Dâi-uòng (守境大王). Hiêng-câi gì ôi-dé găk Băh-mā Nàng-lô (白馬南路) 432 hô̤, biĕng-dău cêu sê Băh-mā-ò̤ Gŭng-huòng. Ciā miêu sê Dô̤-gáu diē-sié Giū-áng Tái-săng gì 13 ciáh dòng cĭ ék, sṳ̆k Gāng-éng-gīng (感應境), ngiàng-sìng gâe̤ng muóng-buŏi gì sèng-âu sṳ̆k Ò̤-siông-áng (河上案).
Lĭk-sṳ̄
[Siŭ-gāi | Gāi nguòng-mā]Ò̤-siông Géu-sĕng-dòng nguòng-dā̤ gì dê-cī găk Dà-dìng-gă̤ (茶亭街) să̤-hióng, Sā̤-mā-ò̤ (洗馬河) nàng gièng gì Ò̤-siông-chŏng (河上村), gé̤ṳng dŏng-sì gì mìng-ĭ Dūng Hông, chă-bók-dŏ̤ ô sé-báh-gūi nièng gì lĭk-sṳ̄. Mìng-dièu muăk-gĭ, Diòng-lŏ̤h siŏh ciáh sáng Uòng (王) gì gă-cŭk buăng lì Hók-ciŭ, găk Ò̤-siông-chŏng dêu, ciŏng lō̤-gă Tái-ĭk-gṳ̆ng (太乙宮) gì hiŏng-huōi chiāng gáu Hók-ciŭ, kī ciā miêu gé̤ṳng Dūng Hông. Muāng-chĭng gì sèng-âu ĭng-ôi miêu ngài--kó̤ tṳ̀ng kī. Ùng-gáik sèng-âu ké̤ṳk pó̤-huâi--kó̤, chă-bók-dŏ̤ 1990 nièng cō̤-iêu tṳ̀ng siŭ. 1998 nièng, ké̤ṳk Hók-ciŭ-chê céng-hū nêng-dêng có̤ "chê ngék ùng-ŭk bō̤-hô dăng-ôi" (市級文物保護單位). 2007 nièng, ĭng-ôi Ìng-dáik-lô (仁德路) guóh-gióng gāi-cô̤, buăng gáu Băh-mā-ò̤ gièng gì Băh-mā Nàng-lô Gŏ̤-gă-ció (高家厝) guó-dô. 2010 nièng, sōng-dĕk Băh-mā-ò̤ gièng gì Băh-mā Nàng-lô 432 hô̤ kī siŏh ciáh gâe̤ng nguòng-lài siŏh-muò-siŏh-iông gì sĭng miêu, nguòng-lài gì biáh-uâ iâ chiāng ciŏng-gă iā sá̤-nê gì gáuk giâ lì, tṳ̀ng-sĭng ciŏng gèng--kó̤. 2012 nièng kī hō̤ buăng diē kó̤. 2019 nièng 7 nguŏk 25 hô̤, ké̤ṳk Dài-gĕ̤ng-kṳ̆ nêng-dêng có̤ "dâ̤ săng piĕ kṳ̆ ngék ùng-ŭk bō̤-hô dăng-ôi" (第三批區級文物保護單位).