Ă-cì

Chók-cê̤ṳ Wikipedia
(Iù Ă-ì dêng-hióng lì gì)
跳至導覽 跳至搜尋
?Ă-cì
Ă-cì
sĕng-ŭk hŭng-lôi
gái: Animalia
muòng: Arthropoda
ā-muòng: Hexapoda
gŏng: Insecta
mŭk: Hemiptera
ā-mŭk: Auchenorrhyncha
hâ-mŭk: Cicadomorpha
cūng-kuŏ: Cicadoidea
kuŏ: Cicadidae
Westwood, 1840
kuŏ

Cicadinae
Tibiceninae
Cicadettinae
Tettigadinae
dēng dēng

Ă-cì káe̤k-káe̤k

Ă-cì, iâ siā có̤ ă-ì(阿蛦), sê siŏh cṳ̄ng tè̤ng-ngiê, sĭk-sĭk táu-mìng, lâng lăk mĕ̤k-ciŭ liê iā kŭi. Ciòng sié-gái gê̤ṳng-cūng ô dâi-mō̤ 2,500 cṳ̄ng ă-cì, ciō-iéu sĕng-uăk diŏh iĕk-dái dê-kṳ̆. Hâ-tiĕng sèng-âu, ă-cì dŭ pók chéu-puòi lā̤ ngék chéu-cáik. Gē̤ng ă-cì bók-dō̤ ô huák-ĭng-ké, â̤ huák chók cêng hiōng gì siăng-ĭng. Ă-cì mâ̤ gâ nè̤ng iâ mâ̤ déng nè̤ng, dó̤i nè̤ng mò̤ hâi.

Gău-puói hâiu, mō̤ ă-cì ciŏng lâung săng diŏh chéu-puòi diē-sié. Éu-tè̤ng bô chók hâiu, dâung lŏ̤h diê-dău, cêu sĕng-uăk diŏh diê-dău-â. Ék-buăng, ă-cì éu-tè̤ng găk diê-dău-â sĕng-uăk 2 gáu 5 nièng, iâ ô siŏh piĕ cṳ̄ng-lôi â̤ dòng gáu sĕk-gūi nièng. Gáu-sì, ă-cì éu-tè̤ng cêu gŭk siŏh dèu diô iù tù diē-sié bà chók lì, bà gáu chéu lā̤ táung káe̤k, biéng có̤ sìng-tè̤ng. Ciáh táung lâi káe̤k-káe̤k gì sèng-âu, ă-cì puòi-hŭ gâe̤ng sĭk-sĭk dŭ có̤ niōng-niōng-nuóh, diŏh dīng siŏh dâung sì-găng ciáh biéng dâing. Ă-cì káe̤k-káe̤k â̤-sāi có̤ dṳ̆ng-iŏh.

Sŭk-ngṳ̄[Siŭ-gāi | Gāi nguòng-mā]

  • Ă-cì giéu, liĕk-chiĕ è̤ng; cièng-gák giéu, guâng dĕng-lè̤ng. (阿蛦叫, 荔枝紅; 𧔢甲叫, 摜燈籠.)
Wikimedia Commons
Wikimedia Commons ô guăng-ṳ̀ Ă-cì gì mùi-tā̤ ùng-giông.
維基共享資源有關於Ă-cì其媒體資源。
Wikispecies ô guăng-ṳ̀ Ă-cì cī cṳ̄ng sĕng-ŭk gì séng-sék.
維基物種有關於Ă-cì茲種生物其信息。