Ĭ-guăng-dâi-uòng

Ĭ-guăng-dâi-uòng (醫官大王) iâ hô̤ lā̤ Ĭ-guăng-cŏng-uòng (醫官尊王), sê Hók-ciŭ mìng-găng dĕk-sáik gì siŏh ciáh ĭ-hŏk gì sìng.

Ĭ-guăng-dâi-uòng buōng-miàng Cĕu Ùng (鄒文), sê Mìng-uŏk guók-uòng Cĕu Tīng gì ĭ-guăng. Hī sèng-âu gĭng-dáng Céng-ăng-kṳ̆ Siêng-kă̤ (鱔溪) hŭ-uái ô siŏh tàu siêng-ngṳ̀ siàng ciăng hâi nè̤ng, Cĕu Tīng gì dâ̤ săng ciáh giāng Băh-mā-uòng dái nè̤ng kó̤ tài, Cĕu Ùng iâ gṳ̆ng lā̤ kó̤. Gáu-muōi chŭi-iòng-gōng cī tàu siêng ké̤ṳ tài sī, Băh-mā-uòng gâe̤ng Cĕu Ùng gūi ciáh nè̤ng iâ dâung cūi lā̤ sĕng-kó̤. Ĭ ké̤ṳk Mìng-uŏk guók-uòng hŭng có̤ Dṳ̆ng-ngiê Ĭ-guăng-dâi-uòng (忠義醫官大王).^[1]

Áng Mī-guók diòng-gáu-sê̤ṳ Lù Gŭng-mìng gì lêng-ngôi siŏh cṳ̄ng gōng-huák, Ĭ-guăng-dâi-uòng buōng-dā̤ sê Liù-giù gì siŏh ciáh ĭ-sĕng, lì Dṳ̆ng-guók ké̤ṳk nè̤ng káng-bâing, kŭi-dŏ̤ dông-chiū-sŭk.^[2] Ĭ ngê ô nék-giāng lè̤ng, dáng-sê pé gâe̤ng ngāng cêng hō̤. Sĕng-kó̤ ī-hâiu, ké̤ṳk câi-dê gì nè̤ng hông có̤ sìng.

Gĭng-dáng Dài-gĕ̤ng-kṳ̆ gì Lìng-gĕu-miêu (靈溝廟) sê Ĭ-guăng-dâi-uòng gì cū-dâing (祖殿).

Chăng-kō̤ cṳ̆-lâiu

↑ 福州防疫史话|福州古代的疫神崇拜. 福州新闻网. 2018-12-05. (nguòng-sṳ̄ nô̤i-ṳ̀ng còng-dŏng diŏh 2025-03-29).
↑ Doolittle, Justus. Social life of the Chinese : with some account of their religious, governmental, educational and business customs and opinions, with special but not exclusive reference to Fuhchau 1. New York: Harper & Bros. 1865: 275.

[1] 福州防疫史话|福州古代的疫神崇拜. 福州新闻网. 2018-12-05. (nguòng-sṳ̄ nô̤i-ṳ̀ng còng-dŏng diŏh 2025-03-29).

[2] Doolittle, Justus. Social life of the Chinese : with some account of their religious, governmental, educational and business customs and opinions, with special but not exclusive reference to Fuhchau 1. New York: Harper & Bros. 1865: 275.

[1]

[2]