問杯

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.

---

問杯，也號𡅏跋桮，是道教裏勢請神明指示其蜀種儀式。挈杯gĕ̤h出，看盪下以後其形狀方位來了解神明其意思。

福州九案泰山迎神根據問杯來決定神明明年暝着坐底隻堂𡅏。

問杯其結果

問杯其結果

問杯其結果分三種：

蜀正蜀反號𡅏聖杯或者聖珓，代表神明同意，或者做事計會順利。但是儷是問其事計着相當慎重，就着問三回，連續三回都是聖杯乍會算數。

兩面都是向上號𡅏笑杯，代表神明笑蜀下，無表示好固是𣍐好。總款着重新再問蜀回，或者重新講清楚自家卜求什乇。

兩面都是向下號𡅏寶杯，代表神明𣍐同意、受氣，或者𣍐使做事計。