山仔裏陰陽專案堂

山仔裏陰陽專案堂，簡稱山仔裏專案堂或者山仔裏堂，是福州臺江其蜀隻廟，敆臺江區太平二弄邊兜，九案泰山府總堂其對面街附近，着庭芳苑、融信雙杭城朗庭兩隻小區之間，共山仔裏嘻墿儷隔蜀條茶亭河。這廟是道教九案泰山其13隻堂之一，屬石部境，迎神共問杯其辰候屬太平山案。文革辰候乞破壞去，1989年重修。

山仔裏其儂信溫、康兩隻將軍共十二功曹。每蜀年迎神之前，由山仔裏堂負責乞溫、康兩隻將軍換新其衣裳，代表準備開堂辦公。