斗池社

斗池總社，簡稱斗池社，也號𡅏斗池堂，是福州其蜀隻廟，敆鼓樓區斗池新村B區裏勢其玉斗廣場。這廟是道教九案泰山其13隻堂之一，屬護民境，迎神共問杯其辰候屬斗池案。

這廟原底敆斗池村。原來斗池村有五帝廟共斗池社兩間廟。1990年斗池村原拆原遷，兩間廟乞直接拆唻，無塊賠錢。許辰候斗池村是有錢無塊起廟，故好大部份鄉里都搬入新起其斗池新村住，最終大家儂無能耐將斗池新村裏勢老儂會其二層改成兩間新其廟，就是敆今旦B區其玉斗廣場租塊。2011年，斗池社敆問杯其辰候乞選做新案，特零意着外斗再起蜀隻鐵皮房來坐菩薩，這鐵皮房遘今旦固敆𡅏。

斗池社本底供九案泰山下底其兵馬大都督。本地大王是八幾年以後乍請入來其。1990年斗池拆遷其辰候，別塊其五大元帥（鄧、何、柳、王、陳）、臨水奶、烏山仙師、神王爺等等其神因為拆遷無廟，也乞請入來供。