橋囝村

橋囝村（馬拼：Kyò-kiāng-tshoung，教會羅馬字：Giò-giāng-chŏng），敆馬祖北竿島其北勢，北方共大坵島㑚離200米。橋囝村境內共總有8間廟，是馬祖地區廟最多的村莊，故此復有「廟村」吓，「神比人多」總款其講法。

名字

平常「囝」也寫做「仔」。

發展史

這芘村敆壁山下底傾斜的山谷裏勢，裏勢橋囝野価，故此村其名字就告嚽。舊底橋囝因爲討魚、賣鹽總款事際做的野發達，作為對中國大陸商業的轉運港而發展，仈曾是北竿人口最多的村。尾斗因爲拍戰，兩邊無對佮，故有討會着其魚悗來悗少，原因野価，敆煞野価儂搬遘別其位處，橋囝村就總款慢慢沒落。隨著當地政府大力推展「富麗漁村」其計劃，2020年代這幾年旅社起了野価，有能耐看見大海，故有𡅏人口也有回流。