河上救生堂
 | 兹篇文章有平話字版本。 參考伊其平話字版本。 Chăng-kō̤ ĭ gì Bàng-uâ-cê bēng-buōng. |
河上救生堂，簡稱救生堂，也號𡅏董奉仙師祖殿[1]，是福州臺江其蜀隻廟，供董奉、臨水奶、巡河高都督（七爺）、護駕詹將軍（八爺）、守境大王，現在其位置敆白馬南路432號，邊兜就是白馬河公園。這廟是道教九案泰山其13隻堂之一，屬感應境，迎神共問杯其辰候屬河上案。
歷史
[Siŭ-gāi | Gāi nguòng-mā]河上救生堂原底其地址敆茶亭街西向、洗馬河南墘其河上村，供當時其名醫董奉，差不多有四百幾年其歷史。明朝末期，長樂蜀隻姓王其家族搬來福州，敆河上村住，將老家太乙宮其香火請遘福州，起這廟供董奉。滿清其辰候因為廟壞去重起。文革辰候乞破壞去，差不多1990年左右重修。1998年，乞福州市政府認定做市級文物保護單位。2007年，因為仁德路擴建改造，搬遘白馬河墘其白馬南路高家厝過渡。2010年，選擇白馬河墘其白馬南路432號起蜀隻共原來蜀模蜀樣其新廟，原來其壁畫也請專家野細膩其刮下來，重新裝懸去。2012年起好搬入去。2019年7月25號，乞臺江區認定做第三批區級文物保護單位。