黃山站

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.

---

黃山站

黃山站，是福州地鐵1號線其蜀萆臺中站其車站，伊敆福建省福州市倉山區黃山村其下底。黃山站敆2016年5月18號開始使。

站名來源

根據《榕城考古略》記載，本站站名臺中的「黃山」以前是號「鳳山」，是趁高蓋山夫邊延伸過其小山，因為形狀像展開翼翼其鳳凰，所以號伊「鳳山」，復因為只塊有野価儂姓「黃」，所以別稱「黃山」，也有儂講原名是「凰山」，遘尾會變號「黃山」了。

車站結構

站廳

黃山站其站廳是特色車站，站廳其吊頂設計了鳳凰其形狀，寓意了黃山地名其由來。車站裡勢其廁所敆C出入口。

黃山站其站廳

站臺

黃山站有兩萆站臺，都是乞1號線使其，站臺是島式站臺其設計，其中，1號站臺是去象峰，2號站臺是去福州火車南站使其。

去象峰其1號站臺

去福州火車南站其2號站臺

出入口

黃山站有三萆出入口，無障礙電梯敆A出入口。其中，C出入口其邊兜向北有公交車站「黃山站」，B出入口其邊兜向南有公交車站「黃山站」。