「Ciòng-ciŭ」調整以後𣍐蜀樣其地方

Chók-cê̤ṳ Wikipedia
~ The file Image:QuanzhouLaozi.jpg has been replaced by Image:Laozi_statue_in_Quanzhou.PNG by administrator commons:User:Siebrand: ''Was in category "Duplicate", although NOT an exact duplicate''. ''[[m:User:CommonsDelinker|Translate me!
~ Ciòng-ciŭ dṳ̀ng-sĭng dêng-hióng gáu Cuòng-ciŭ
(Mò̤ chă)

2008 nièng 4 nguŏk 20 hô̤ (LB) 06:45 gì bēng-buōng

Ciòng-ciŭ
Hèng-céng-kṳ̆ lôi-biék Dê-gék chê
Biék-chĭng Lī-siàng, Chié-dùng-siàng
Miêng-cék 11,968 km²
(bău-guăk Gĭng-muòng)
Ìng-kēu Chék-báh-ngô-sĕk-nê uâng
(bău-guăk Gĭng-muòng)
Ìng-gĭng GDP ¥31582
Mìng-cŭk Háng
Ngṳ̄-ngiòng Mìng-nàng-uâ gâe̤ng Pū-tŭng-uâ

Guăng-ṳ̀ cī bĭh ĭng-bìng ùng-giông Ciòng-ciŭ (泉州, Quanzhou, Chinchew, Mìng-nàng-uâ: Choân-chiu) sê Hók-gióng-sēng gì siŏh bĭh siàng-chê, iâ hô̤ lā̤ Lī-siàng (鯉城, ĭng-ôi Ciòng-ciŭ-chê dê-dù hìng-câung chiông lī-ngṳ̀) gâe̤ng Chié-dùng-siàng (刺桐城, ĭng-ôi Ciòng-ciŭ ô cĭng sâ̤ chié-dùng-chéu). Gū-cā gì Ă-lă-báik-nè̤ng iâ giéu ĭ Zaytun (زيتون), sê Ă-lăk-báik-ngṳ̄ "chié-dùng" gì ĭng-ĭk.

Hèng-céng Dăng-ôi

  • Chê-kṳ̆: Lī-siàng (鯉城), Hŭng-dĕk (丰澤), Lŏk-gŏng (洛江), Ciòng-gĕ̤ng (泉港).
  • Gâing-gék-chê: Siŏh-săi (石獅), Céng-gŏng (晉江), Nàng-ăng (南安).
  • Gâing: Hiê-ăng (惠安), Ăng-kă̤ (安溪), Īng-chŭng (永春), Dáik-huá (德化), Gĭng-muòng (金門).

Dṳ̆ng-huà Ìng-mìng Gê̤ṳng-huò-guók siŏng-chĭng Gĭng-muòng sṳ̆k-ṳ̀ Ciòng-ciŭ, dáng-sê Gĭng-muòng sĭk-cié gŭi Dṳ̆ng-huà Mìng-guók guāng-hák.

Lĭk-sṳ̄

Ciòng-ciŭ gì gĭng-cá̤ kŭi-huák iù Ciŭ Cìng sì-hâiu cêu ī-gĭng kăi-sṳ̄. Săng-guók sì-dô̤i, Ngù-guók găh gĭng-dáng gì Nàng-ăng-chê (南安市) siék-lĭk Dĕ̤ng-ăng-gâing (東安縣). Să̤-céng sì-hâiu Dṳ̆ng-nguòng ciéng-luâng, cĭng sâ̤ sê̤ṳ-cŭk cāu gáu Ciòng-ciŭ, Céng-gŏng (晉江) iâ ĭng chṳ̄ dáik miàng.

Dòng-dièu 684 nièng, kăi-sṳ̄ lĭk ciŭ gióng dé, miàng Ū-ìng-ciŭ (武荣州), 711 nièng gāi miàng có̤ Ciòng-ciŭ. Sóng Nguòng sì-hâiu, Ciòng-ciŭ sê "Dĕ̤ng-huŏng dâ̤-ék duâi gē̤ng", gĭng-cá̤ huák-dăk, sê "hāi siông sĭ-diù cĭ lô" gì kī-diēng.

1271 nièng, siŏh ciáh miàng hô̤ Ngā-gáuk-báik (雅各伯, É-dâi-lé-ngṳ̄: Jacob d'Ancona) téng É-dâi-lé lì Ciòng-ciŭ có̤ sĕng-é. Ĭ siā lāu siŏh buōng chók-miàng gì iù-gé, hô̤ lā̤ Guŏng-mìng cĭ Siàng (光明之城, Ĭng-ngṳ̄: The City of Light). Dáng-sê, hiêng-câi nè̤ng gó mâ̤ hiēu ciā cṳ̆ sê cĭng sê gā.

Dê-lī

Ciòng-ciŭ diŏh Hók-gióng dĕ̤ng-nàng-buô iòng hāi, sṳ̆k-ṳ̀ Â-nàng dê-kṳ̆, ké-hâiu sê hāi-iòng-séng ā-iĕk-dái gié-hŭng ké-hâiu.

Ùng-huá

Ngiê-sŭk

Lṳ̄-iù

Ciòng-ciŭ có̤i cā gì Chĭng-cĭng-sê
文件:Laozi statue in Quanzhou.PNG
Lō̤-gŭng-ngàng

Cŭng-gáu