臭話

Chók-cê̤ṳ Wikipedia
跳至導覽 跳至搜尋

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bāng-buōng.


卡通底裡其臭話嘢価都使仂囝符號來代替或者囥起罵儂其詞

臭話(也號𡅏欛欛話脧鳥話北方儂叫做髒話)是使開喙講嘢垃渣、嘢粗其罵儂話,特別是共生殖器或者性交有干過其話。普通話其臭話叫做「國罵」,是魯迅敆《論「他媽的」》文章臺中提出,意思是「國家級臭話」。[1]福州話也有真価臭話。因為福州話使臭話嚗儂辰候底裡七處都是「𠚺」字[2]:223,固加一般固咯翹起「脧鳥指」(臺中指)[2]:185,故此也叫做「翹脧𠚺嚗」或者「翹𠚺嚗」[2]:173

定義[Siŭ-gāi | Gāi nguòng-mā]

對臭話其定義,始終存在比较大其𣍐蜀樣看法。隨𡅏社會其演變,儂其認知都有仂囝變化。有其舊底當作臭話其詞,現在嘢価儂無所謂。介講,原底中性其詞,現在也有可能變成臭話(比如福州話底裡其「做契弟」)。各種話底裡其臭話,雖然講內容真接近,但是因為語言結構共使用規格𣍐蜀樣,具體使用也會可能差嘢価。譬如講敆有其國家底裡,敆有其場合直接叫神其名字也是算臭話。

分類[Siŭ-gāi | Gāi nguòng-mā]

上海何家灣站附近其地下通道口寫有冒犯性其警示語:將亂溜糞掃其儂比作頭牲

世界各地其臭話其主題基本上都差不多,以下將臭話約約咯分類,但是部分臭話幾種都有仂囝,會使歸屬遘嘢価芘分類。

  • 人身攻擊
    • 人格侮辱,譬如講飯桶、歞貨。
    • 動物比擬,譬如講頭牲、犬母。
  • 生理共心理
    • 屎尿,譬如講汝奶食屎。
    • 共生殖器或者第二性徵有干過其乇,譬如講汝奶姕䫌。
    • 共性虐待有干過其臭話,譬如講𠚺汝奶。

爭議[Siŭ-gāi | Gāi nguòng-mā]

臭話敆公共場合,特別是媒體廣播事業臺中其使用一般都會受遘中一般都會受遘嚴格限制。譬如講1973年喬治·卡林主持其美國廣播喜劇《七芘絕對無年呆敆電視節目底裡講其話》就造成聯邦通訊委員會通过蜀項限制臭話其規定,固加美國聯邦法院也在「438 U.S. 726(1978)」臺中贊同茲芘審查法規。

雖然有其儂見覺,臭話是廮𡅏嚗儂,但是也有觀點認為講,對臭話字眼其理解必須著透過伊其語境去理解。也有觀點認為講臭話敆語言臺中其使用有時會起遘調味劑其作用,暴下敆隨便其場合有蜀兩句臭話無茲敆涉,固加𡅏固會使讓講話輕鬆仂囝,生活化仂蜀,特別其真価地區,或是勞動階層,臭話變成朋友之間表現親密度其問候語,會反映出彼此之間其友好程度。根據香港中文大學學生報其《道德高地的虛妄》,臭話著敆一定其語境下乍會產生「侮辱性、𣍐尊重、性騷擾」等等意思[3]

參考[Siŭ-gāi | Gāi nguòng-mā]

  1. 魯迅. 論「他媽的」. "無論是誰,只要在中國過活,便總得常聽到「她媽的」或其相類的口頭禪。即使依或人聽說,牡丹是中國的「國花」,那麼,這就可以算是中國的「國罵」了" 
  2. 2.0 2.1 2.2 福州方言詞典. 福建人民出版社. 1994.10. 
  3. 道德高地的虛妄. 中大學生報. 2004-11-04. (原始內容存檔着2007-10-16) (中文(繁體)‎). 

外斗鏈接[Siŭ-gāi | Gāi nguòng-mā]