2016年中國大陸網民「出征」Facebook事件

Chók-cê̤ṳ Wikipedia
跳至導覽 跳至搜尋

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bāng-buōng.


2016年中國大陸網民「出征」Facebook事件,又乞中國大陸網民叫作Facebook表情包大戰,是講2016年1月20號敆百度貼吧「李毅吧」網絡論壇提議由部分中國大陸網民做其蜀項利用翻牆軟件來突破防火長城,敆蔡英文茲幾隻政治人物共《蘋果日報》、三立新聞網各萆媒體其Facebook主頁大量發布評論其事件。評論底裡有嘢価中國大陸網絡稠使其圖片表情,嚽也是兹萆事件其特點。

起因[Siŭ-gāi | Gāi nguòng-mā]

事計其起因蜀部分是臺灣三立新聞敆周子瑜國旗事件臺中其表态,三立新聞引遘PTT臺灣網民發言聲稱「強國儂其玻璃心復碎了」[1],經過黃安宣傳共舉報,引發部分中國大陸網民不滿。敆周子瑜發布道歉視頻之後,中國大陸演員林更新發布了蜀條微博,調侃周子瑜「道歉快突然,𣍐hou背稿」,故此引發部分臺灣網民其強烈不强烈不滿。對林更新Facebook開啟留言漫罵,接下兩岸網民爆發「表情包大戰」。[2]固加1月14號羅志祥敆出席活動辰候乞問遘共中國大陸其嘉賓合作有什乇感想,羅志祥表示:「伓使分許滿清楚,因為儂家都是中國人。」引來台下蜀片陣歡呼[3],也引發臺灣網民不滿,仱就開始攻擊,敆Facebook懸頂大作交戰[4],共嚽對比鮮明其是中國大陸其叫好聲。[5]民進黨敆臺灣選舉臺中勝以後復激起了中國大陸網民其不滿。[6]

茲萆活動其蜀隻发起儂認為講:「真稠上Facebook其儂都會別,臺灣對大陸直頭有偏見,都見覺大陸儂無素質,蜀地兜拉屎拉尿。茲萆活動會使改變臺灣儂對大陸其偏見吧」,也是「為𡅏告訴臺獨分子,中國是統一其,𣍐因為汝茲幾隻儂做分裂去。」

事計其發起儂是趁百度貼吧其李毅吧來其,百度貼吧是中國大陸其論壇網站,自稱是「全球最大其中文社區」,特點是各論壇(「貼吧」)使某主題命名。「李毅吧」原底是關於中國足球運動員李毅其網絡論壇,關注用戶大概2386萬[7]。因為李毅綽號「大帝」,故此茲萆論壇參與儂為論壇起名字「帝吧」、「D吧」、「D8」等等,復叫做「百度盧浮宮」。因為參與人數真価,真稠參加或者發起群體性網絡事件,固加破壞能力真強,故此有「帝吧出征,寸草不生」其講法[8]。但是因為Facebook其功能共百度𣍐同樣,故此帝吧出征其效果無預期其許滿好,乞嘢価臺灣網民譏笑大陸網民是「帝吧出征,笑到往生」[9]

經過[Siŭ-gāi | Gāi nguòng-mā]

預熱[Siŭ-gāi | Gāi nguòng-mā]

2016年1月20號凌晨2點左右,新浪微博網民「赵日天233号」發布蜀條「今旦冥晡7點出征fb共對岸臺獨同志做友好交談」其微博,嘢快轉發過萬,乞刷上新浪微博其熱門話題榜。然後,更価關於「遠征FB其帖子」其「作戰部署」趁伊其微博底裡傳出,茲隻網民敆微博底裡表示,「官方發言賬號儷有這蜀萆」、部署工作就此开始。「出征隊伍」乞分成两萆總群共一萆前線部隊,每萆總群下底復設有6路緃隊,收集「臺獨」言論、圖片等等情報工作、宣傳共組織工作(透過发帖召集人马);武器裝備工作(製作表情包);對外交流工作(外語翻譯);戰場清理工作(舉報「臺獨」言論),再加上蜀萆粵語组,對應創立6萆个QQ群。[10]

中國大陆網民預計敆7點辰候對臺灣各大媒體Facebook粉絲團發起「進攻」,著使「自製表情」、「網絡言語攻擊」、「檢舉」等手段,敆臺媒粉絲團大量刷屏,目的是著讓粉絲團關閉。為𡅏茲回其「出征」,有其網民甚至固自製「教戰手則」,也有人提供表情圖懶人包,還提醒伓嗵使習近平其照片做表情,避免遭對方改圖。同時有一萆鬥魚TV直播間敆6:30左右开播,直播註冊Facebook賬號,再普及事計其前因後果,讓無法翻牆其網民也會使「共襄盛舉」[11][12],消息發布以後,三立、東森等等臺灣媒體纷都報道了這萆消息。[13]。1月20號下晝1點38分,距離微博臺中預告其冥晡7點「遠征」固有5點鐘,「6組帝吧反TD(臺獨)出征群」其QQ群底裡發布頭蜀萆群公告,公告臺中要求每蜀隻位成員「無講欛欛話、無發任何中國領導儂其相片、著攻擊臺獨言論,𣍐使全盤否定、一切行动聽指揮」。然後,「關於去戰場」、「參戰須知」、「注意事項」等公告逐一發布,公告臺中明確規定好步骤,先去占領其輿論地,由于涉及境外媒体,群文件中固為群民准备了29个Facebook賬號,7萆翻牆軟件。蜀隻負两責作圖其成員透露,昨暝13點左右,新建其5萆群都因人數上限,加無挃底。伊所敆其製圖組也不斷有新儂加底,𣍐別製圖其負責收集資料圖片,會製圖其負責製作表情包圖片,然後上傳遘群相冊,供其他「戰友」使。

中國大陸方面[Siŭ-gāi | Gāi nguòng-mā]

暝晡7點辰候,中國大陸網民衝底Facebook,7點正遘7點3字辰候衝底三立新聞主頁,7點3字遘7點半是蘋果日報主頁,然後是蔡英文個儂人主頁,同時乞衝底其固有自由時報、何韵诗、林更新、周子瑜等機構共個儂其Facebook主頁[14]。中国大陸網民開始對茲几萆粉絲團發表大量評論,固加發表情包。大量表情包括「八荣八耻」全文、「社會主義核心價值觀」全文、滿漢全席、中國山水畫等等內容佔滿各萆大戰場其評論頁。共此前百度貼吧幾回爆吧𣍐同樣,茲回帝吧「远征」組織儂規定「有組織、有紀律」,帝吧相關組織儂敆組建其多萆QQ群底裡多回強調文明用語,無發黃圖,反臺獨但不反臺灣人民 ,隨後翻譯組固共多國語言版本其反臺獨聲明翻譯出來,有其表情包風景圖也蓋上印章,強調「反臺獨專用」。暝晡7點,多萆平臺迅速乞中國大陸網民佔領,各隻網民透過刷詩歌、表情包等方式刷粉絲專頁,有其平臺選擇關閉評論來避開。因為無法敆中國大陸境內直接登底Facebook,故此茲回帝吧打擊「臺獨」事計敆各萆直播平臺懸頂廣泛傳播,首先開通直播其是鬥魚TV,同時觀看其人數嘢快就超過10萬,後頭乞鬥魚官方關閉。然後Bilibili、虎牙直播、熊猫TV等等多萆平臺也先後跟𡅏直播,但是然後𣍐㤚就乞直播平臺關閉[15]

臺灣方面[Siŭ-gāi | Gāi nguòng-mā]

因為部分「參戰」其中國大陸網民躃鄭「戰場」,敆茲回事計懸乞牽連其固有「三立娛樂星聞」𧹔號,不過三立娛樂星聞不旦無反擊,固加固指出「戰場」,加上「三立新聞」其鏈接,固得遘大批中國大陸網民其喜愛。「三立新聞」雖然是主要戰場,但是巧妙地避開互撕互罵進退兩難其狀態,發布「圖都嘢有味啊」等等言論[16]。但是然後三立新聞也发表「北歐國家對臺灣友好,挪威承認臺灣是蜀萆國家」其新聞,但是半點鐘以後就乞《環球時報》共挪威外交部澄清,挪威外交部官方微博也發表聲明,支持蜀萆中國。三立之後復發出蜀萆「7隻瑞典議員支持承認臺灣是蜀萆國家」其新聞,不過21號中午瑞典也仿效挪威做法,敆官方微博發表聲明。三立最後關閉評論功能,也将2016年其所有FB博文全面刪除。據統計,20號暝晡三立新聞其FB留言量,比三立新闻一般情況下囫圇年其留言量固𡅏価。民進黨方面,蔡英文FB蜀條「國會議長中立化」博文蜀下七刷屏2萬多條回覆,大多都是簡體字其「反臺獨」言論。對蔡英文FB遭遘中國大陸網民刷屏茲件事計,民進黨表示「歡迎光臨民主自由其臺灣」,固加表示𣍐刪。

參考資料[Siŭ-gāi | Gāi nguòng-mā]

  1. “天然美女”子瑜录影挥台国旗 台湾网民:强国人玻璃心又碎了. 2015-11-23 [2016-01-20]. 
  2. FB表情包大战 黄子韬恐成最大赢家(组图). 网易. 东方网. 2016-01-18 [2016-01-23]. 
  3. 吳睿慈. 羅志祥「我們都是中國人!」 大陸出席活動影片瘋傳. 東森新聞. 2016-01-18 [2016-01-20]. 
  4. 周郁蘋. 羅志祥稱中國人 批評灌爆臉書. 中國時報. 2016-01-18 [2016-01-20]. 
  5. 葉國吏. 【有片】羅志祥自稱「中國人」引爆戰火 台灣網友圍剿. 蘋果日報. 2016-01-18 [2016-01-20]. 
  6. 帝吧出征FB遭指责 丢脸丢到国外?网友有话说. 观察者. 2016-01-21. 
  7. 空引用‎ (幫助) 
  8. 空引用‎ (幫助) 
  9. 空引用‎ (幫助) 
  10. 空引用‎ (幫助) 
  11. 空引用‎ (幫助) 
  12. 空引用‎ (幫助) 
  13. 空引用‎ (幫助) 
  14. 空引用‎ (幫助) 
  15. 空引用‎ (幫助) 
  16. 空引用‎ (幫助) 

外部鏈接[Siŭ-gāi | Gāi nguòng-mā]