Bók-gŭng-sṳ̀
| Bók-gŭng-sṳ̀ | |
|---|---|
|
卜公祠 | |
| Cŭng-gáu | |
| Cŭng-gáu | Dô̤-gáu |
| Ôi-dé | |
| Ôi-dé | Hók-gióng Hók-ciŭ Dài-gĕ̤ng |
| Guók-gă |
 Dṳ̆ng-guók |
| Cô̤-biĕu | 26°3′16.56″N 119°17′33.18″E / 26.0546000°N 119.2925500°E |
| Gióng-dê̤ṳk | |
| Kī gì sì-găng |
Mìng-dièu Hùng-ū (洪武) nièng-găng 2003 nièng (cháik-chiĕng) |
| Dê-dù | |
 | |
Bók-gŭng-sṳ̀ (卜公祠) sê Hók-ciŭ Dài-gĕ̤ng siŏh ciáh gé̤ṳng Nā-gŭng gì miêu. Buōng-dā̤ găk Dâi-miêu-săng (大廟山) să̤-báe̤k, gĭng-dáng băng gáu Ò̤-â-gă̤ (河下街).
Bók-gŭng-sṳ̀ sê Hók-ciŭ có̤i cā gì Nā-gŭng-miêu (拏公廟), chă-bók-dŏ̤ găk Mìng-dièu Hùng-ū (洪武) nièng-găng kī hō̤. Nā-gŭng Bók Hók géu lāu gó̤-lòng Hók-ciŭ siàng báh-sáng, Hók-ciŭ nè̤ng kī miêu gé̤ṳng ĭ. Muāng-chĭng gì sèng-âu, muōi siŏh huòi kó̤ Liù-giù gì cháik-hŭng-sṳ̄ (冊封使) dŭ â̤ lì cŭ-uái chiāng ĭ gáu sùng lā̤ bō̤-iêu bìng-ăng. Ék-buăng chiāng Mā-cū niòng-niòng gâe̤ng Nā-gŭng cà̤ sô̤i tàu gá sùng, Dìng Siông-cṳ̆ sô̤i dâ̤ nê gá. Gô-dā̤ téng Dâi-miêu-lô (大廟路), Hăk-tăng-gă̤ (合撑街), Săng-bō̤-gă̤ (三保街) gáu Âu-chèng-gă̤ (後田街) dŭ sê gé̤ṳng ĭ, muōi siŏh nièng Nā-gŭng săng-nĭk dŭ â̤ có̤-hié, ngiàng-sìng, có̤i lā̤ cêng nâu-iĕk.
Gê̤ṳng-sāng-dōng siông-dài ī-hâiu, dê ké̤ṳk Dài-gĕ̤ng-kṳ̆ Liĕk-gŭng-sṳ̆k Éng-sáuk-chiōng (臺江區烈軍屬印刷廠) ciéng kó̤. Ùng-gáik ī-hâiu, bô ké̤ṳk Dâ̤-săng Cék-buó-chiōng (第三織布廠) ciéng kó̤ có̤ sĭk-dòng. 1988 nièng ciáh ké̤ṳk dèng diōng lì có̤ miêu. 1998 nièng, ĭng-ôi Dâi-miêu-lô táuk-kuāng gâe̤ng Hók-ciŭ Dâ̤-sé Dṳ̆ng-hŏk gāi-cô̤ ké̤ṳk tiáh lâi. Bók-gŭng-sṳ̀ dò̤ diŏh nguòng-lài sê Dâ̤-săng Cék-buó-chiōng chŏng-kó̤, ciŏng ĭ gāi siàng miêu. 2003 nièng gái cháik-chiĕng, buăng gáu gĭng-dáng gì Ò̤-â-gă̤ 66 hô̤.