Ciŭ Giĕk-lùng
Ciŭ Giĕk-lùng (周杰倫, 1979 nièng 1 nguŏk 18 hô̤ – ) sê Dài-uăng gì siŏh ciáh làu-hèng gŏ̤-chiū, cáuk-ké̤ṳk-gă, cáuk-sṳ̀-gă, ciŏng-cĭk cié-cáuk-ìng gâe̤ng diêng-īng iēng-uòng. Ĭ ké̤ṳk nè̤ng hô̤ lā̤ "Mandopop gì guók-uòng" (King of Mandopop), ĭ gì ciŏng-cĭk dŭ-liāng mâ̤ chók chiĕu-guó 3000 uâng diŏng, sê Dài-uăng ciŏng-cĭk mâ̤ chók có̤i sâ̤ gì nè̤ng.[1]
Sĕng-bìng[Siŭ-gāi | Gāi nguòng-mā]
Ciŭ Giĕk-lùng diŏh Dài-báe̤k-gâing Lìng-kāu-hiŏng (gĭng-dáng Sĭng-báe̤k-chê Lìng-kāu-kṳ̆) chók-sié, ĭ gì nòng-bâ Ciŭ Iêu-dṳ̆ng (周耀中) sê Lù-ciŭ Guók-dṳ̆ng (蘆洲國中) gá sĕng-ŭk gì sĭng-săng, nòng-nā̤ Iĕk Hiê-mī (葉惠美) sê Lìng-kāu Guók-dṳ̆ng (林口國中) gì mī-sŭk sĭng-săng. 14 huói gì sèng-âu bâ-nā̤ liê-huŏng, iù nòng-bâ có̤ ĭ gì gáng-hô̤-ìng; gáu 18 huói ī-hâiu ĭ sōng-dĕk gâe̤ng nòng-nā̤ diêu.
Ciŭ Giĕk-lùng có̤-sá̤ dó̤i ĭng-ngŏk hĭng-ché̤ṳ cĭng duâi, ĭ diŏh 3 huói kăi-sṳ̄ ŏ̤h gáung-kìng, 16 huói kăi-sṳ̄ ché siā-kuóh. 1997 nièng 8 nguŏk, ĭ gì dùng-hŏk chăng-gă diêng-sê chióng-gŏ̤ bī-suói gì sèng-âu niông ĭ dàng gáung-kìng puâng-cáiu, diŏh ciā ciék-mŭk diē-sié Ciŭ Giĕk-lùng sêu gáu Ngù Cŭng-hiēng (吳宗憲) cé̤ṳ-é. Bók-guó, Ngù Cŭng-hiēng nêng-ùi ĭ săng mò̤ gáu cóng, mò̤-niĕ-ài cĭng ká̤ chók-miàng, gó̤-chṳ̄ niông ĭ ciŏng-sĭng siā-gŏ̤; ĭ ciā gì cáuk-pīng cĭng sâ̤ biéng-siàng hĭ-sèng-âu cĭng liù-hèng gì gŏ̤.
2000 nièng, Ciŭ Giĕk-lùng huák-hèng cê-gă tàu diŏng gáuk-ìng ciŏng-cĭk Jay, ciáng-sék chók-dô̤. Màng-nièng ĭ huák-hèng sĭng gì ciŏng-cĭk Huâng-dĕk-să̤, ciā ciŏng-cĭk gì gŏ̤ giék-hăk dĕ̤ng-huŏng gâe̤ng să̤-huŏng gì ĭng-ngŏk hŭng-gák, niông ĭ có̤-siŏh-hâ chók-miàng. Huâng-dĕk-să̤ ciā ciŏng-cĭk hī nièng Gĭng Ké̤ṳk Ciōng (金曲獎) 5 ciáh ciōng-hâung. Ī-hâiu ĭ huák-hèng sĕk-gūi diŏng gáuk-ìng ciŏng-cĭk, diŏh Dṳ̆ng-guók, Hiŏng-gē̤ng, Mā-lài-să̤-ā, Sĭng-gă-pŏ̤ dēng-dēng guók-gă iâ sêu gáu cĭng sâ̤ nè̤ng huăng-ngìng. Gáu 2019 nièng, ĭ kŭi guó 6 diòng sié-gái sùng-huòi iēng-chióng-huôi, dŭ-liāng ô 1000 uâng nè̤ng kó̤ hiêng-diòng káng guó.[2]
2007 nièng, ĭ sìng-lĭk ĭ cê-gă gì chióng-piéng gŭng-sĭ JVR Music.[3] Dṳ̀-kó̤ káh-dièu ĭng-ngŏk, Ciŭ Giĕk-lùng iâ sê siŏh ciáh iēng-uòng, téng 2005 nièng kăi-sṳ̄ iēng diêng-īng, ĭ iēng gì tàu ciáh diêng-īng sê Tàu Ùng-cê D. 2011 nièng, ĭ chók-iēng Hollywood diêng-īng The Green Hornet, găk Să̤-huŏng guók-gă kăi-sṳ̄ ô dĭ-miàng-dô̤.[4]
Gáuk-ìng ciŏng-cĭk[Siŭ-gāi | Gāi nguòng-mā]
- Jay (2000)
- Huâng-dĕk-să̤ (范特西) (2001)
- Báik-dô̤ Kŭng-găng (八度空間) (2002)
- Iĕk Hiê-mī (葉惠美) (2003)
- Chék-lī-hiŏng (七里香) (2004)
- Sĕk-ék-nguŏk dék Siĕu-băng (十一月的蕭邦) (2005)
- Ĭ-iòng Huâng-dĕk-să̤ (依然范特西) (2006)
- Ngō̤ hēng mòng (我很忙) (2007)
- Mò̤-giĕk-cô̤ (魔杰座) (2008)
- Kuā Sì-dâi (跨時代) (2010)
- Gĭng-táng-hô̤ (驚嘆號) (2011)
- 12 Sĭng Cáuk (12新作) (2012)
- Ăi-iŭ, bók-chó̤ ò̤ (哎呦，不錯哦) (2014)
- Ciŭ Giĕk-lùng dék Chòng-biĕng Gó-sê̤ṳ (周杰倫的床邊故事) (2016)
- Có̤i Ūi-dâi dék Cáuk-pīng (最偉大的作品) (2022)
Chăng-kō̤ cṳ̆-lâiu[Siŭ-gāi | Gāi nguòng-mā]
- ↑ Chinese pop song souring ties: MAC - Taipei Times. www.taipeitimes.com. 2022-01-14. 已經忽略未知參數
|access-date=(幫助) - ↑ Drake, Kate. Cool Jay. Time (Asia). 3 March 2003. (nguòng-sṳ̄ nô̤i-ṳ̀ng còng-dŏng diŏh 18 October 2008). 已經忽略未知參數
|access-date=(幫助); 已經忽略未知參數|url-status=(幫助) - ↑ Butler, Susan. China Breaking Through: Busting Barriers to Big Business on the Mainland-An In-Depth Look. Billboard- The International Newsweekly of Music, Video and Home Entertainment 118.21. 27 May 2006: 22–25.
- ↑ THE GREEN HORNET | Sony Pictures Entertainment. www.sonypictures.com. 已經忽略未知參數
|access-date=(幫助)