Dṳ̆ng-huà Mìng-guók
Chăng-kō̤ Mìng-dĕ̤ng-ngṳ̄ Háng-cê gì bēng-buōng. / 參考閩東語漢字其版本。
| Dṳ̆ng-huà Mìng-guók | |||||
| 中華民國 | |||||
| |||||
| cê̤ṳ-iòng dê-lī (sĭk-cié kóng-cié) | |||||
 Dṳ̆ng-huà Mìng-guók gì sū-câi. | |||||
| Siū-dŭ | Dài-báe̤k | ||||
Miêng-cék
̩ km2 | |||||
| sì-kṳ̆ | UTC+8 | ||||
| Ìng-mìng sĕng-huák | |||||
| guăng-huŏng ngṳ̄-ngiòng | Dṳ̆ng-huà Mìng-guók Guók-ngṳ̄ | ||||
| Tŭng-ê̤ṳng ngṳ̄-ngiòng | Dṳ̆ng-huà Mìng-guók Guók-ngṳ̄, Mìng-nàng-ngṳ̄, Káh-gă-ngṳ̄, Mìng-dĕ̤ng-ngṳ̄(Mā-cū), Buò-siĕng-ngṳ̄(Ŭ-kiŭ) | ||||
ìng-kēu
| |||||
| Céng-dê ùng-huá | |||||
| céng-dê cié-dô | Gê̤ṳng-huò-guók | ||||
| liāng-dô-ìng | |||||
| gĭng-cá̤ sĭk-lĭk | |||||
| huó-bê dăng-ôi | sĭng-dài-bê | ||||
| GDP (mìng-ngiê siông gì) | $9770.88 é (2014 nièng) | ||||
| ìng-gĭng GDP (mìng-ngiê siông gì) | $41,581(2014 nièng) | ||||
| HDI | 0.890(2012 nièng) | ||||
| Guók-gă cṳ̆-lâiu | |||||
| guók-gă dâi-hô̤ | TWN | ||||
| guók-cié ṳ̆k-miàng sáuk-siā | .tw | ||||
| guók-gă diêng-uâ kṳ̆-hô̤ | +886 | ||||
Dṳ̆ng-huà Mìng-guók (中華民國) sê Dĕ̤ng-ā gì siŏh ciáh guók-gă, iâ sê Ā-ciŭ có̤i cā gì siŏh ciáh gê̤ṳng-huò-guók. Dṳ̆ng-huà Mìng-guók tūng-cié gì huōng-ùi sê Dài-uăng, Pàng-hù, Gĭng-muòng, Mā-cū gâe̤ng Ŭ-kiŭ, gó chṳ̄ guók-cié gà̤-lēng duâi-bô-hông nè̤ng gó̤ ĭ „Dài-uăng“ (臺灣).
Dṳ̆ng-huà Mìng-guók găk 1911 nièng diŏh Dṳ̆ng-guók Dâi-lṳ̆k sìng-lĭk. 1945 nièng ĭng-ôi Káung-nĭk Ciéng-cĕng séng-lé, iù Nĭk-buōng chiū lā̤ dáik gáu Dài-uăng. 1946 nièng, gák-gé̤ṳ să̤-báe̤k gì Dṳ̆ng-guók Gê̤ṳng-sāng-dōng huák-dông nô̤i-ciéng, ciŏng Dṳ̆ng-huà Mìng-guók céng-hū dṳ̆k kó̤ Dài-uăng, diŏh 1949 nièng lêng lĭk Dṳ̆ng-huà Ìng-mìng Gê̤ṳng-huò-guók céng-hū. Có̤i cā Mī-guók dēng-dēng cṳ̆-buōng ciō-ngiê gì guók-gă nâ sìng-nêng Dài-uăng gì Dṳ̆ng-huà Mìng-guók, mò̤ sìng-nêng Dṳ̆ng-huà Ìng-mìng Gê̤ṳng-huò-guók céng-hū; gáu-muōi-lāu Mī-guók găk 1972 nièng gâe̤ng Dṳ̆ng-huà Ìng-mìng Gê̤ṳng-huò-guók gióng-lĭk nguôi-gău guăng-hiê, sìng-nêng Dṳ̆ng-huà Mìng-guók gì guók-gă muōng biéng muōng ciĕu, gáu gīng-dáng nâ diông 21 ciáh gò̤ lāu. Lièng-hăk-guók gì sĭk-ôi iâ găk 1971 nièng ké̤ṳk Dṳ̆ng-huà Ìng-mìng Gê̤ṳng-huò-guók chṳ̄-dâi.
Hèng-céng kṳ̆-mĭk[Siŭ-gāi | Gāi nguòng-mā]
Gĭng-dáng gì Dṳ̆ng-huà Mìng-guók ô 5 ciáh dĭk-hăk-chê gâe̤ng 2 ciáh hṳ̆-gék gì sēng. Găk cī 2 ciáh hṳ̆-gék gì sēng â-dā̤, sê 3 ciáh chê gâe̤ng 14 ciáh gâing, gó ô siŏh ciáh iù gâing dâi-guāng gì hiŏng:
- Dĭk-hăk-chê:
- Dài-báe̤k-chê (臺北市)
- Sĭng-báe̤k-chê (新北市)
- Dài-dṳ̆ng-chê (臺中市)
- Dài-nàng-chê (臺南市)
- Gŏ̤-hṳ̀ng-chê (高雄市)
- Tò̤-huòng-chê (桃園市)
- Dài-uăng-sēng(臺灣省):
- Ngiè-làng-gâing (宜蘭縣)
- Sĭng-dé̤ṳk-gâing (新竹縣)
- Mièu-lĭk-gâing (苗栗縣)
- Ciŏng-huá-gâing (彰化縣)
- Nàng-dàu-gâing (南投縣)
- Hùng-lìng-gâing (雲林縣)
- Gă-ngiê-gâing (嘉義縣)
- Bìng-dĕ̤ng-gâing (屏東縣)
- Dài-dĕ̤ng-gâing (臺東縣)
- Huă-lièng-gâing (花蓮縣)
- Pàng-hù-gâing (澎湖縣)
- Giĕ-lè̤ng-chê (基隆市)
- Sĭng-dé̤ṳk-chê (新竹市)
- Gă-ngiê-chê (嘉義市)
- Hók-gióng-sēng (福建省):
- Gĭng-muòng-gâing (金門縣)
- Lièng-gŏng-gâing (連江縣)
- Ŭ-kiŭ-hiŏng (烏坵鄉, iù Gĭng-muòng-gâing dâi-guāng)
Gái káng[Siŭ-gāi | Gāi nguòng-mā]
- Dṳ̆ng-huà Mìng-guók (1912 nièng–1949 nièng)
- Dṳ̆ng-huà Ìng-mìng Gê̤ṳng-huò-guók
- Dài-uăng
- Dài-uăng ông-tà̤
| ||||||||||||||||||||
|