Dṳ̆ng-huà Sŭng-dô̤ Séng-ìng
Chăng-kō̤ Mìng-dĕ̤ng-ngṳ̄ Háng-cê gì bēng-buōng. / 參考閩東語漢字其版本。
Dṳ̆ng-huà Sŭng-dô̤ Séng-ìng (中華殉道聖人) sê Lò̤-mā Tiĕng-ciō-gáu dâi-dŏng găk Dṳ̆ng-guók sŭng-dô̤ gì 120 ciáh séng-ìng, gì-dṳ̆ng ô 87 ciáh Dṳ̆ng-guók-nè̤ng gáu-dù gâe̤ng 33 ciáh diòng-gáu-sê̤ṳ[1], ĭ-gáuk-nè̤ng dŭ găk 17 sié-gī muăk-gĭ gáu 1930 nièng cĭ-găng ĭng-ôi giĕng-tì hông-gáu sêu gáu Dṳ̆ng-guók céng-hū páuk-hâi sŭng-dô̤.
Cī siŏh-dêng-nè̤ng duâi-buô-hông găk Ngiê-huò-tuàng cĭ luâng gì sèng-âu sĕng--kó̤. Diŏh cī huòi buâng-luâng dâi-dŏng, huāng huăng-giāng gì nùng-mìng có̤-siŏh-hâ tài-sī 30,000 ciáh Dṳ̆ng-guók gáu-dù, huăng-giāng diòng-gáu-sê̤ṳ gâe̤ng gì-tă huăng-giāng.
Áng diòng-tūng gì Lá-dĭng-lā̤, ĭ-gáuk-nè̤ng gì gī-niêng-nĭk sê 7 nguŏk 9 hô̤.