Gèng-gŏ̤ Ā̤-báik
Gèng-gŏ̤ Ā̤-báik (懸哥矮八) sê Dṳ̆ng-guók mìng-găng séng-ngiōng gì lâng ciáh sī-sìng (死神), ĭ lâng-ciáh sê lĕ̤k-cióng cĭ ék, hó-cáik niăh gūi, chṳ̄-huăk ngài-nè̤ng, ciōng-siōng hō̤-nè̤ng.
Gèng-gŏ̤ iâ hô̤ lā̤ Gèng-iè (懸爺), Dòng-iè (長爺), Chék-iè (七爺), buōng-miàng Siâ Bĭk-ăng (謝必安). Ā̤-báik iâ hô̤ lā̤ Ā̤-iè (矮爺), Báik-iè (八爺), buōng-miàng Huâng Ù-kéu (范無咎). ĭ lâng-ciáh nguòng-lài sê ngà-muòng dŏng-chă̤-gì. Ô siŏh huòi ĭ lâng-ciáh ák dâe̤ng-iéu gì huâng-nè̤ng cāu--kó̤, ĭ lâng-ciáh buŏng kŭi lì tō̤, iók-dêng găk duâi-giò giò â giéng-méng. Huâng Ù-kéu sĕng gáu lā̤ dīng, gáu iók-dêng gì sì-sìng, Siâ Bĭk-ăng gó lā̤ muôi gáu. Huâng Ù-kéu gié-sṳ̆k dīng, cĭ-hâiu huák-kă̤-cūi, Huâng Ù-kéu ké̤ṳk cūi céng sī--kó̤. Sĭk-cié Siâ Bĭk-ăng sê ĭng-ôi dâung duâi-ṳ̄ mò̤-niĕ-ài áng-sì gáu. Siâ Bĭk-ăng huák-hiêng Huâng Ù-kéu ī-gĭng sĕng--kó̤ cêng kó̤ siŏng-sĭng, cêu siông-diéu cê̤ṳ-sák. Gáu-muōi-lāu Ngṳ̆k-huòng-siông-dá̤ hŭng ĭ lâng-ciáh có̤ sī-sìng.