Iòng-bāng Dùng-sĭng-dòng
 | Cī piĕng ùng-ciŏng ô Háng-cê gì bēng-buōng. Chăng-kō̤ ĭ gì Háng-cê bēng-buōng. 參考伊其漢字版本。 |
| Iòng-bāng Dùng-sĭng-dòng | |
|---|---|
|
洋柄同心堂 | |
| Cŭng-gáu | |
| Cŭng-gáu |
Dô̤-gáu Dṳ̆ng-guók mìng-găng séng-ngiōng |
| Ôi-dé | |
| Ôi-dé | Hók-gióng Hók-ciŭ Dài-gĕ̤ng Gău-tŭng-lô 40 hô̤ |
| Guók-gă |
 Dṳ̆ng-guók |
| Cô̤-biĕu | 26°4′12.14″N 119°17′44.63″E / 26.0700389°N 119.2957306°E |
| Dê-dù | |
 | |
Iòng-bāng Dùng-sĭng-dòng (洋柄同心堂), gāng-chĭng Dùng-sĭng-dòng (同心堂), sê Hók-ciŭ Dài-gĕ̤ng gì siŏh ciáh miêu, găk Gău-tŭng-lô (交通路) 40 hô̤, gê̤ṳ-liê Hók-gióng Ĭ-kuŏ Dâi-hŏk duâi-muòng mâ̤ huông. Ciā miêu sê Dô̤-gáu Giū-áng Tái-săng gì 13 ciáh dòng cĭ ék, sṳ̆k Lìng-tŭng-gīng (靈通境), ngiàng-sìng gâe̤ng muóng-buŏi gì sèng-âu sṳ̆k Iòng-bāng-áng (洋柄案). Ciō-iéu gé̤ṳng Kŏng Dâi Sié-cṳ̄ (康大世子), iâ ô gé̤ṳng Gàu-séng-uòng săng cŏng sìng, Buōng-dê Dâi-uòng, Lìng-cūi-nā̤ dēng-dēng gì sìng-mìng.
Iòng-bāng Dùng-sĭng-dòng găk 1992 nièng tṳ̀ng-siŭ, sê siŏh lŏ̤h lâng cèng làu gì chió, làu-â sê gṳ̆-mìng-huôi bâing-gŭng-sék. 2007 nièng Iòng-bāng cháik-chiĕng, ĭng-ôi ng-sê dĕng-gé gì cŭng-gáu diòng-sū, ké̤ṳk dáung bàng-siòng gì chió tiáh lâi, nâ dò̤ cièng mò̤ dó̤i dò̤ dê. Iòng-bāng Dùng-sĭng-dòng gì guāng-ūi-huôi ciŏng ciā cièng dò̤ lì mā̤ hiêng-câi Gău-tŭng-lô (交通路) 40 hô̤ gì lâng cèng làu dáing-méng, làu-dīng ĕng bù-sák, làu-â buŏng lâng-buáng, sèng-dāu cŭ ké̤ṳk nè̤ng có̤ dáing, cŭ-gĭng siŭ kó̤ buō-chṳ̆ng dòng gì uăk-dông gĭng-hié; âu-dāu sê guāng-ūi-huôi gì bâing-gŭng-sék. Bàng-siòng piăng-âu gâe̤ng sèng-dāu gák-kŭi, muōi-gā-nguŏk-nĭk gì chĕ̤-ék, sĕk-ngô ô ĭ-báh ĭ-mū lì siĕu-hiŏng, ék-buăng dŭ sê téng piăng-âu gì muòng-giēng diē kó̤. Gāu-nguŏk ngiàng-sìng gì sèng-âu, sèng-dāu guŏng-dáing buáng-ngā-nguŏk-nĭk, gó̤-lòng ciáh miêu dò̤ lì có̤ uăk-dông.