Muóng-buŏi
Chăng-kō̤ Mìng-dĕ̤ng-ngṳ̄ Háng-cê gì bēng-buōng. / 參考閩東語漢字其版本。
Muóng-buŏi (問杯, 問桮), iâ hô̤ lā̤ buăk-buŏi (跋桮), sê Dô̤-gáu diē-sié chiāng sìng-mìng cī-sê gì siŏh cṳ̄ng ngì-sék. Kĕk buŏi gĕ̤h chók, káng dâung giâ ī-hâiu gì hìng-câung huŏng-ôi lì liēu-gāi sìng-mìng gì é-sé̤ṳ.
Hók-ciŭ Giū-áng Tái-săng ngiàng-sìng gŏng-gé̤ṳ muóng-buŏi lì giók-dêng sìng-mìng màng-nièng-màng diŏh sô̤i diê ciáh dòng lā̤.
Muóng-buŏi gì giék-guō
[Siŭ-gāi | Gāi nguòng-mā]
Muóng-buŏi gì giék-guō buŏng săng-cṳ̄ng:
Siŏh ciáng siŏh huāng hô̤ lā̤ siáng-buŏi (聖杯) hĕ̤k-ciā siáng-gá (聖珓), dâi-biēu sìng-mìng dùng-é, hĕ̤k-ciā có̤ dâi-gié â̤ sông-lé. Dáng-sê nâ sê muóng gì dâi-gié diŏh siŏng-dŏng sêng-dâe̤ng, cêu diŏh muóng săng huòi, lièng-sṳ̆k săng huòi dŭ sê siáng-buŏi cá â̤ sáung-só.
Lâng méng dŭ sê hióng siông hô̤ lā̤ ciéu-buŏi (笑杯), dâi-biēu sìng-mìng ciéu siŏh-hâ, mò̤ biēu-sê hō̤ gó sê mâ̤ hō̤. Ciŏng-uâng diŏh tṳ̀ng-sĭng gái muóng siŏh huòi, hĕ̤k-ciā tṳ̀ng-sĭng gōng chĭng-chṳ̄ cê-gă buóh giù sié-nó̤h.
Lâng méng dŭ sê hióng giâ hô̤ lā̤ bō̤-buŏi (寶杯), dâi-biēu sìng-mìng mâ̤ dùng-é, sêu-ké, hĕ̤k-ciā mâ̤ sāi có̤ dâi-gié.