Ngū-iàng

Ngū-iàng (五營), ciòng-miàng Ngū-iàng ciŏng-gŭng (五營將軍), Ngū-iàng nguòng-só̤i (五營元帥), Ngū-iàng bĭng-mā-sĭ (五營兵馬司), sê Hók-gióng gâe̤ng Dài-uăng mìng-găng séng-ngiōng gì siŏh cṳ̄ng sìng, găk chŏng gì dĕ̤ng, să̤, nàng, báe̤k sé ciáh huŏng-ôi kī gì miêu-giāng, bō̤-iêu gīng gì bìng-ăng.

Ngū-iàng gì nguòng-só̤i

Ngū-iàng buŏng Ngôi Ngū-iàng (外五營) gâe̤ng Nô̤i Ngū-iàng (內五營), muōi cṳ̄ng iàng dŭ buŏng lâng dĕ̤ng, să̤, nàng, báe̤k sé ciáh iàng, muōi ciáh iàng dŭ ô cê-gă gì nguòng-só̤i.

Nô̤i Ngū-iàng gì nguòng-só̤i sê:

Dĕ̤ng-iàng Ŭng Nguòng-só̤i (東營 溫元帥), miàng Ŭng Kìng (溫瓊), chiăng-sáik gì gì;

Nàng-iàng Kŏng Nguòng-só̤i (南營 康元帥), miàng Kŏng Sĭk (康席), è̤ng-sáik gì gì;

Să̤-iàng Mā Nguòng-só̤i (西營 馬元帥), băh-sáik gì gì;

Báe̤k-iàng Diêu Nguòng-só̤i (北營 趙元帥), ŭ-sáik gì gì;

Dṳ̆ng-iàng Lī Nguòng-só̤i (中營 李元帥), miàng Lī Nò̤-chá (李那叱), uòng-sáik gì gì.

Ngôi Ngū-iàng gì gì ngàng-sáik gâe̤ng nô̤i iàng siŏh iông, ĭ gì nguòng-só̤i sê:

Dĕ̤ng-iàng Diŏng Nguòng-só̤i (東營 張元帥)

Nàng-iàng Siĕu Nguòng-só̤i (南營 蕭元帥)

Să̤-iàng Làu Nguòng-só̤i (劉元帥)

Báe̤k-iàng Lièng Nguòng-só̤i (連元帥)

Dṳ̆ng-iàng nguòng-só̤i gâe̤ng nô̤i iàng sê siŏh nè̤ng