Puòi-siĕng-gṳ̆ng
| Puòi-siĕng-gṳ̆ng | |
|---|---|
|
裴仙宫 | |
| Cŭng-gáu | |
| Cŭng-gáu |
Dô̤-gáu Dṳ̆ng-guók mìng-găng séng-ngiōng |
| Ôi-dé | |
| Ôi-dé | Hók-gióng Hók-ciŭ Gū-làu-kṳ̆ Siók-ŭi-lô 7-1 hô̤ |
| Guók-gă |
 Dṳ̆ng-guók |
| Cô̤-biĕu | 26°5′28.302″N 119°17′30.865″E / 26.09119500°N 119.29190694°E |
| Dê-dù | |
 | |
Puòi-siĕng-gṳ̆ng (裴仙宮) sê Hók-ciŭ gì siŏh ciáh dô̤-guăng, găk Gū-làu-kṳ̆ Siók-ŭi-lô (肅威路) 7-1 hô̤. Ciā gṳ̆ng chă-bók-dŏ̤ găk 1060 nièng-dâi cō̤-iêu kī gì, gé̤ṳng Puòi Siĕng-sṳ̆. Diē-sié ô siŏh dău iā òng ī-sèng cêu ô gì sṳ̀ng-chéu, diòng-siók Puòi Siĕng-sṳ̆ cêu sê găk ciā chéu â-dā̤ ṳ̄-huá sìng-siĕng (羽化成仙) gì. Muōi nièng săng-nguŏk chĕ̤-sĕk Puòi Siĕng-sṳ̆ có̤ săng-nĭk, cŭ-uái iā sâ̤ nè̤ng lì siĕu-hiŏng, cêng kó̤ nâu-iĕk.
1923 nièng, Hók-gióng sēng-diōng Sák Déng-bĭng huáng nè̤ng giŏng-kuāng tṳ̀ng-siŭ. 1934 nièng Dìng Ngì (陳儀) có̤ sēng-ciō-sĭk (省主席) gì sèng-âu gāi siàng lâng cèng làu. 1955 nièng siàng-chê gāi-cô̤, ciā gṳ̆ng có̤ bàng-báik kó̤. 1988 nièng tṳ̀ng-siŭ.
1997 nièng, găk hī dău sṳ̀ng-chéu biĕng-dău kiê siŏh déng siŏh bĭ, gà̤-dēng cê siā "Ṳ̀ng-siàng dâ̤ ék gū-ṳ̀ng" (榕城第一古榕). Hiā chéu gĭng-dáng ô 20 mī hī māng gèng.