Să̤-iàng-diē Dòng-sĕng-dòng
 | Cī piĕng ùng-ciŏng ô Háng-cê gì bēng-buōng. Chăng-kō̤ ĭ gì Háng-cê bēng-buōng. 參考伊其漢字版本。 |
| Să̤-iàng-diē Dòng-sĕng-dòng | |
|---|---|
|
西营里长生堂 | |
| Cŭng-gáu | |
| Cŭng-gáu |
Dô̤-gáu Dṳ̆ng-guók mìng-găng séng-ngiōng |
| Ôi-dé | |
| Ôi-dé | Hók-gióng Hók-ciŭ Gū-làu Gă-iòng Sĭng-chŏng (cáng-sì) |
| Guók-gă |
 Dṳ̆ng-guók |
| Cô̤-biĕu | 26°4′31.51″N 119°17′33.58″E / 26.0754194°N 119.2926611°E |
| Dê-dù | |
 | |
Să̤-iàng-diē Dòng-sĕng-dòng (西營裏長生堂), gāng-chĭng Dòng-sĕng-dòng (長生堂), sê Hók-ciŭ gì siŏh ciáh miêu. Nguòng-lài gì miêu găk Să̤-iàng-diē, Ùng-gáik sèng-âu ké̤ṳk pó̤-huâi kó̤, 1990 nièng-dâi tṳ̀ng-siŭ. 2007 nièng Să̤-iàng-diē cháik-chiĕng, ĭng-ôi mò̤ hăk-huák gì cŭng-gáu sĭng-hông, ké̤ṳk dáung bàng-siòng gì chió tiáh lâi. Hiêng-câi mò̤ gó-dêng gì miêu, cáng-ăng (暫安) Gū-làu-kṳ̆ Gă-iòng Sĭng-chŏng (加洋新村) diē-sié, hó-gê̤ṳng gṳ̆-mìng ô páh-sáung tō̤ dê tṳ̀ng-sĭng kī miêu. Ciā miêu sê Dô̤-gáu Giū-áng Tái-săng gì 13 ciáh dòng cĭ ék, sṳ̆k Gă-hĭng-gīng (嘉興境), ngiàng-sìng gâe̤ng muóng-buŏi gì sèng-âu sṳ̆k Să̤-iàng-áng (西營案). Lâng ciáh Tái-săng Hô̤-gá Dâi-ciŏng-gŭng (泰山護駕大將軍) Duâi-báh (大伯), Nê-báh (二伯) gé̤ṳng ciā miêu lā̤.
Muōi nièng buóh kăi-sṳ̄ Giū-áng Tái-săng ngiàng-sìng gì sèng-âu, Duâi-báh, Nê-báh sĕng chók-huák kó̤ gô-áng (舊案) Ŭng, Kŏng lâng ciáh ciŏng-gŭng hŭ-uái hô̤-gá, cĭ hâiu ciáh kŭi-dòng. Buōng-dā̤ ciā Duâi-báh, Nê-báh nâ sê hĕ̤-hĕ̤-băng dŏng-chă̤-gì. Ô siŏh nièng ngiàng-sìng gì sèng-âu, Ŭng Ciŏng-gŭng gì ngṳ̀ng mô̤ dâung diŏh Dòng-sĕng-dòng Dĕ̤ng-ék-băng (東一班) lō̤ duâi báh sĭng-găng lā̤. Ŭng Ciŏng-gŭng chṳ̄-káik cêu hŭng Duâi-báh, Nê-báh có̤ Hô̤-gá Dâi-ciŏng-gŭng. Ī-hâiu muōi siŏh nièng kŭi-dòng cĭ sèng dŭ diŏh huáng Duâi-báh, Nê-báh lì câng-dòng. Ngiàng-sìng gì sèng-âu, dŭ diŏh gṳ̆ng Ŭng, Kŏng lâng ciáh ciŏng-gŭng sĭng-biĕng hô̤-gá (護駕), nâ gāu-nguŏk sĕk-nê muóng-buŏi giék-sók ī-hâiu ciáh diōng-kó̤ guó cê-gă săng-nĭk siŏh gĕ̤ng.