Săng-giāng-diē Ĭng-iòng Ciŏng-áng-dòng
Chăng-kō̤ Mìng-dĕ̤ng-ngṳ̄ Háng-cê gì bēng-buōng. / 參考閩東語漢字其版本。
| Săng-giāng-diē Ciŏng-áng-dòng | |
|---|---|
|
山仔里专案堂 | |
| Cŭng-gáu | |
| Cŭng-gáu |
Dô̤-gáu Dṳ̆ng-guók mìng-găng séng-ngiōng |
| Ôi-dé | |
| Ôi-dé | Hók-gióng Hók-ciŭ Dài-gĕ̤ng Tái-bìng Nê-lâe̤ng |
| Guók-gă |
 Dṳ̆ng-guók |
| Cô̤-biĕu | 26°3′51.77″N 119°17′46.75″E / 26.0643806°N 119.2963194°E |
| Dê-dù | |
 | |
Săng-giāng-diē Ĭng-iòng Ciŏng-áng-dòng (山仔裏陰陽專案堂), gāng-chĭng Săng-giāng-diē Ciŏng-áng-dòng (山仔裏專案堂) hĕ̤k-ciā Săng-giāng-diē-dòng (山仔裏堂), sê Hók-ciŭ Dài-gĕ̤ng gì siŏh ciáh miêu, găk Dài-gĕ̤ng-kṳ̆ Tái-bìng Nê-lâe̤ng (太平二弄) biĕng-dău, Giū-áng Tái-săng-hū Cūng-dòng gì dó̤i-méng-gă̤ hó-gê̤ṳng, diŏh Dìng-huŏng-uōng (庭芳苑), Ṳ̀ng-séng Sĕ̤ng-hòng-siàng Lōng-dìng (融信雙杭城朗庭) lâng ciáh siēu-kṳ̆ cĭ-găng, gâe̤ng Săng-giāng-diē hī dèu diô nâ gák siŏh dèu Dà-dìng-ò̤ (茶亭河). Ciā miêu sê Dô̤-gáu Giū-áng Tái-săng gì 13 ciáh dòng cĭ ék, sṳ̆k Sĭk-buô-gīng (石部境), ngiàng-sìng gâe̤ng muóng-buŏi gì sèng-âu sṳ̆k Tái-bìng-săng-áng (太平山案). Ùng-gáik sèng-âu ké̤ṳk pó̤-huâi kó̤, 1989 nièng tṳ̀ng-siŭ.
Săng-giāng-diē gì nè̤ng sáng Ŭng, Kŏng lâng ciáh ciŏng-gŭng gâe̤ng Sĕk-nê Gŭng-cò̤ (十二功曹). Muōi siŏh nièng ngiàng-sìng cĭ-sèng, iù Săng-giāng-diē-dòng hó-cáik ké̤ṳk Ŭng, Kŏng lâng ciáh ciŏng-gŭng uâng ĭ-siòng, dâi-biēu cūng-bê kŭi-dòng bâing-gŭng.