Wikipedia:中立其觀點
 |
|
 |
茲芘觀念對閩東語維基百科嘢重要，是閩東語維基百科運作其基石，有悠久其歷史共深遠其意義。 |
 | 這頁簡而言之：所有維基百科條目共其他百科式內容必須使中立其觀點來寫，平等、成比例固加無帶偏見咯表達重要其觀點。 |
中立其觀點（英文：neutral point of view，缩写為NPOV）是維基媒體其基本規矩，也是維基百科其五大支柱之一。所有維基百科條目共其他百科式內容必须以中立其觀點來寫，敆儘量可能無任何偏見其前提下，平等咯表逹出任何以前敆可靠來源臺中發表過其重要觀點。卜想問蔣蔣讓蜀篇條目符合中立觀點其指導，參看《中立其觀點指南》。介講茲芘方針重點要素其舉例共解釋，參看常見問题解答。
《中立其觀點方針》是維基百科三大核心內容方針之一。其他两大方針分别是《可供查證方針》共《非原創研究方針》。茲幾芘方針齊訂了可獲維基百科條目接受其內容類型共品質。茲幾芘方針相辅相成，儥使彼此單獨理解，編輯者應該當著熟悉茲三大方針。任何其他其方針、指引共編輯者其共識，都儥使逾越或者取代茲三大方針的規矩。核心內容方針其頁面儥使擅自編輯，所有其编辑都應該當有助改善茲幾芘規矩其應用共理解。
中立其觀點其含義
[Gāi nguòng-mā]
中立其觀點
[Gāi nguòng-mā]敆蜀芘特定主題臺中，有可靠來源其可供查證觀點之間可能儥蜀樣，伊各儂可能會相互矛盾，保持中立其觀點是解決茲種矛盾其方法。當同蜀茲主題存在嘢価茲或者相互矛盾其觀點辰候，應該當平等表達每蜀芘觀點。儥應該對蜀芘特定觀點的介紹佔有儥合理其比重，或者聲稱某芘特定觀點是「真理」。如此可讓讀者接觸遘各種重要故加已發表的觀點，不是儷是最流行其許蜀芘。同样咯，也伓嗵斷言各種不同觀點臺中，某種觀點（在伊是伓是最流行其觀點或者中間觀點）正確，共除前述以外其觀點當成儷為貶損提及。儂家應該當讓讀者形成伊自家其意見。
中立其觀點儥同情也儥反對伊其主題：伊儥贊同也儥反對觀點。顧名思義，中立其觀點是蜀種觀點，伓是缺乏觀點或者消除觀點。故此講，使「條目內容觀點儥中立」為由消除條目內容儥合理。條目內容應該當清晰咯說明、表達共描述出主題臺中其爭議，伓嗵對其中任何蜀種觀點表示贊同。條目應該當提供足夠其背景材料，說明底人有茲種觀點，有其是底蜀種觀點，奚勢有茲蜀種觀點，底蜀種觀點更受歡迎；詳細其條目臺中固可以包括對每蜀種觀點其評價，但是著避免偏袒。
偏見
[Gāi nguòng-mā]中立要求將觀點無帶偏見咯表達出來。任何編輯者共來源都有伊其偏見（換蜀句話講，任何編輯者共來源都有其自家其觀點）——但是重要其是儂家蔣蔣共茲幾種來源組織起來，創作出蜀篇中立其條目。蜀篇可獲認可是平衡復無帶偏見其條目，應該當對爭議其所有涉及面都有分析說明，固包括各種觀點共已發表其證據。如果蜀篇條目內容乞發現對某蜀觀點有偏見，就應該當對伊修正。
明確表達
[Gāi nguòng-mā]斷言事實，包括關於觀點其事實——但是千萬伓嗵斷言觀點本身。所謂“事實”，是指「不涉及嚴重爭議事物其蜀段信息」。舉例來講，蜀回調查臺中產生其已發表結果就是事實。有蜀芘星球叫做火星也是事實。柏拉圖是哲學家同樣是事實。無儂會認真質疑茲幾種乇。故此，儂家會使隨時斷言任何事實。
趁另蜀方面講，所謂價值觀或觀點，[1]儂家可以講伊是「受爭議其事物」。有嘢価其主張都清楚咯表達了價值觀或者觀點。比如講「偷竊是錯誤其」就是蜀種價值觀或者觀點；「披頭士樂隊是歷史上最偉大其樂隊」是一種觀點；「美國是全世界唯一蜀芘以前敆戰爭臺中使過核武器其國家」是事實。但是「美國敆廣島共長崎投下原子彈有賺無賺」，就是價值觀或觀點。但是，若出現邊界條件，相關觀點使伓使應受到重視乞納底，目前尚無定論。[2]
當儂家討論觀點辰候，儂家應該當將觀點歸屬於某蜀隻儂或者某群儂，介討論伊或者伊各儂有茲芘觀點其事實。譬如講，伓嗵斷言「披頭士樂隊是有史以來最偉大其樂隊」，而是討著發表茲芘觀點其來源，譬如「《滾石》雜誌認為，披頭士樂隊是有史以來最偉大其樂隊」，介將參考文獻以適當其方式敆陳述當中註明。同樣咯，如果有特定其民意調查，敆該參考文獻其支持下底就可以斷言「利物浦其大部分居民都認為披頭士樂隊是最偉大其樂隊」；斷言「披頭士樂隊其嘢価音樂都登上英國單曲排行榜」也會使，因為作為蜀茲事實嚽可以乞查證。茲芘段其頭蜀芘例子是敆斷言個儂其觀點；第二茲是敆斷言蜀芘事實，茲芘事實說明蜀種觀點的確存在，固將伊歸屬敆可靠其來源上。
對於相互競爭觀點其歸屬，需注意觀點其歸屬應該當著充分反映出支持茲種觀點其相對水平，儥應該乞讀者留下錯誤其勢均力敵其印象。譬如講，「根據西蒙·維森塔爾講其，大屠殺是敆蜀項德國滅絕猶太人其計劃，但是戴維·歐文質疑茲蜀芘分析」其陳述，總款會敆極大多數觀點共極少數觀點臺中製造蜀種看似勢均力敵其假象，因為茲兩種觀點所歸屬遘其對象都只不過是相應領域臺中其蜀隻活躍者。
敆事實臺中，儷使「一些儂認為……」來討論蜀種觀點是儥充分其，茲種做法叫做「大規模歸屬」。[3]廮𡅏支持蜀芘團體有某種觀點其可靠來源，必須準確咯說明茲芘團體其規模。此外，敆蔣蔣適當咯說明觀點上一般會存在分歧。著公平咯表達爭議臺中其所有重要觀點，有時需要修飾共緩和對某種觀點其描述，或者提出茲蜀種觀點其幾種講法，介將伊歸屬遘特定其團體上。
卜想創作蜀篇中立觀點其條目，固離儥開對可靠來源其精挑細選。敆討論蜀個觀點所基於其事實辰候，引底競爭觀點所基於其事實是至關重要其，因為總款就會使幫助讀者獨立評判相互競爭觀點其可信度。千萬伓嗵可暗示某蜀種觀點其正確性。明確底儂有茲幾種觀點也真重要。最好其做法，一般是舉出觀點臺中其某蜀芘典型代表來說明。
腳註
[Gāi nguòng-mā]- ↑ 觀點包含有事實共價值觀；參見事實共價值觀其辨析
- ↑ 更詳細其信息，參見茲芘方針臺中儥合理其比重一節。
- ↑ 參見：Wikipedia:伓嗵模稜兩可、Wikipedia:伓嗵華而不實。
其他資源
[Gāi nguòng-mā]外部链接
[Gāi nguòng-mā]- On MeatballWiki:
- Multiple points of view: see religion-wiki: Multiple points of view