Kuóh-dà̤

Hók-ciŭ nô̤i-ò̤ gâe̤ng lièng-gă-sùng

 Kuóh-dà̤ (曲蹄, hĕ̤k siā có̤ Kuŏ-dà̤ 科题), iâ chĭng có̤ Lièng-gă Sùng-mìng (连家船民), Hók-ciŭ Dáng-mìng (福州疍民), sê sĕng-uăk diŏh Mìng-gĕ̤ng siông gâe̤ng Hók-ciŭ hāi-gièng gì siŏh ciáh mìng-hiê, sṳ̆k Dáng-mìng gì siŏh cṳ̄ng. "Kuóh-dà̤" hĕ̤k "Kuóh-dà̤-giāng" sê lṳ̆k-dê siông gì Háng-ìng ā̤-huá ĭ-gáuk-nè̤ng sū kī gì miàng. Duòng-tūng siông, Kuóh-dà̤ ék-sĕng duâi buô-hóng sì-găng dŭ dêu sùng gà̤-dēng, séu lṳ̆k-dê Háng-ìng gì gì-sê̤ṳ. Gĭng-nĭk, Lièng-gă Sùng-mìng gĭ-buōng ī-gĭng siông-âng diâng-gṳ̆ lāu.

Dṳ̀-kŭi Hók-ciŭ, Kuóh-dà̤ găk Dṳ̆ng-guók bĕk-dó̤i iâ ô hŭng-buó, chiông Mìng-nàng, Guŏng-dĕ̤ng.

Kī-nguòng

Guăng-ṳ̀ Kuóh-dà̤ gì kī-nguòng ô gáuk-cṳ̄ng gōng-huák. Siŏh cṳ̄ng sê gōng siŏng-diòng Nguòng-dièu sèng-hâiu, ô Mūng-gū nè̤ng lì Hók-ciŭ lì dêu. Nguòng-dièu miĕk-uòng sì-hâiu, Háng-ìng cêu hióng cī piĕ Mūng-gū nè̤ng bó̤-siù. Cī piĕ Mūng-gū nè̤ng ôi lāu dò̤-biê Háng-ìng, dŭ cāu gáu Mìng-gĕ̤ng siông, biéng có̤ tō̤-ngṳ̀-gi (ngṳ̀-mìng). Lêng-nguôi iâ ô nè̤ng nêng-ùi Kuóh-dà̤ sê gū-cā Báik-uŏk-nè̤ng gì hâiu-iô.

Ùng-huá

Kuóh-dà̤ duâi-buô-hông dŭ hông Tiĕng-cuō-gáu. 2009 nièng, dô̤-iēng Ŭ Hióng-huà (巫向華) gŏng-gé̤ṳ Kuóh-dà̤-giāng gì ùng-huá sĕng-uăk kiák siàng siŏh buô diêng-īng «Tiĕng-cuō gì Ngṳ̀-hù» (天主其漁夫).