Uòng Hiêng-huàng

Uòng Hiêng-huàng(黃現璠, 1899 nièng 11 nguŏk 13 hô̤ - 1982 nièng 1 nguŏk 18 hô̤),nguòng-miàng "Găng Gīng-ĭng"(甘锦英), Guōng-să̤ Hók-chŭi-nè̤ng, sê Dṳ̆ng-guók hiêng-dô̤i chók-miàng gì lĭk-sṳ̄ hŏk-gă, mìng-cŭk ṳ̆k-gă gâe̤ng gáu-ṳ̆k-gă. iâ sê Cuóng-cŭk dâ̤-ék-gá gáu-sêu ,ké̤ṳk hâiu-sié nè̤ng cŏng-chĭng có̤ "Cuóng-cŭk Lĭk-sṳ̄ cĭ Hô̄ ". Ĭ găk 1936 nièng huák-biēu dék Sṳˊng-dô̤i tái hŏk-sĕng giuˊ-guók ông-dông(宋代太學生救國運動) sê Dṳ̆ng-guók dâ̤-ék-buô ngiēng-géu hŏk-sĕng ông-dông sṳ̄ gì sṳ̄ cṳ ̆. Ĭ găk 1957 nièng huák-biēu dék Cuóng-cŭk Ciēng-sṳ̄(壯族簡史)sê Dṳ̆ng-guók dâ̤-ék-buô ngiēng-géu Cuóng-cŭk lĭk-sṳ̄ gì sṳ̄ cṳ̆ .

Sĕng-bìng

Uòng Hiêng-huàng siŏh-sié-nè̤ng gĭng-lĭk Chĭng-dièu,Báe̤k-iòng Céng-hū,Dṳ̆ng-huà Mìng-guók gâe̤ng'Dṳ̆ng-huà Ìng-mìng Gê̤ṳng-huò-guók sé duâi sì-dâi, céng-giéng Dṳ̆ng-guók hiêng-dâi lĭk-sṳ̄ gì huák-diēng. 1899 nièng 11 nguŏk 13 hô̤ chók-sié diŏh Dṳ̆ng-guók Guōng-să̤-sēng.1922 gáu 1926 nièng,Uòng Hiêng-huàng diē Guōng-să̤ Dâ-sănḡ Sṳ̆-huâng Hăk-hâu. 1926 nièng, găk Báe̤k-gĭng Sṳ̆-huâng Dâi-hŏk hŏk-sĭk̆ lĭk-sṳ̄-hŏk gâe̤ng gáu-ṳ̆k-hŏk,sê Dò̤ Să̤ -séng(陶希聖) gâe̤ng Dìng-nguòng(陈垣) gì hŏk-sĕng. 1932 nièng ĭ dáik diŏh lĭk-sṳ gì hŏk-sê̤ṳ hŏk-ôi. Ī-hâiu, diē Báe̤k-gĭng Sṳ̆-huâng Dâi-hŏk gì Ngiēng-géu-iêng ngiēng-géu Dṳ̆ng-guók -dô̤i lĭk-sṳ̄. 1935 nièng dáik-diŏh sĭk-sê̤ṳ hŏk-ôi,iù Báe̤k-gĭng Sṳ̆-huâng Dâi-hŏk bék-ngiĕk hâiu, dùng nièng 11 nguŏk ĭ gáu Nĭk-buōng liù-hŏk, găk Dĕ̤ng-gĭng Dá̤-guók Dâi-hŏk(hiêng-káik-s hô̤ có̤ Dĕ̤ng-gĭng Dâi-hŏk) gì Dâi-hŏk-iêng hŏk-sĭk Dĕ̤ng-iòng-sṳ̄ gâe̤ng Nĭk-buōng-sṳ, gá i gì sĭng-săng ô Huò-dièng Chĭng(和田 清), Nguòng-dièng chéu-ìng(原田淑人) . 1937 nièng duōng-lì Dṳ̆ng-guók hâiu, Uòng Hiêng-huàng bô găk Guōng-să̤ Dâi-hŏk, Dṳ̆ng-săng Dâi-hŏk, Gùi-lìng Sṳ̆-huâng hŏk-iêng,Guōng-să Gáu-ṳ̆k Ngiēng-géu-sū, Guōng-să̤ Sṳ̆-huâng hŏk-iêng (hiêng-káik-s hô̤ có̤ Guōng-să̤ Sṳ̆-huâng Dâi-hŏk) muōng gá-cṳ̆ muōng ngiēng-géu. Dṳ̆ng-huà Ìng-mìng Gê̤ṳng-huò-guók gióng-guók ī-hâiu, Uòng Hiêng-huàng dṳ̀ lā̤ nū-lĭk gá-cṳ̆ gâe̤ng ngiēng-géu,gó chăng-gă siâ-huôi uăk-dông, báik-cèng ké̤ṳk sōng có̤ Guōng-să̤-sēng Ìng-mìng Céng-hū Ūi-uòng-huôi Ūi-uòng, dâ̤ ék gái Ciòng-guók Ìng-dâi dô̤i-biēu,dâ̤ ék gái Ciòng-guók Ìng-dâi Mìng-cŭk Ūi-uòng-huôi Ūi-uòng,dâ̤ ék gái Dṳ̆ng-iŏng dó̤i-nguôi Ùng-huá Lièng-lò̤ Ūi-uòng-huôi Ūi-uòng gâ̤eng dâ̤ ngô gái Ciòng-guók Céng-hiĕk Ūi-uòng . 1982 nièng 1 nguŏk 18 hô, Uòng Hiêng-huàng bâng-siê ṳ̀ Guōng-să̤ Gùi-lìng(桂林) ,hiōng-sêu 83 huói.

Ngiê-dāu lièng-giék

• Dṳ̆ng-guók muōng/Dṳ̆ng-guók mìng-cŭk/Gùi-hāi Hŏk-sŭk Tái-dū/Uòng Hiêng-huàng

• Dṳ̆ng Nguôi chók-miàng gì mìng-cŭk ṳ̆k-gă Uòng Hiêng-huàng

• 20 sié-gī Ìng Ùng Dâi Hŏk-ciā Ngièng Hók、Uòng Hiêng-huàng、Bă Gĭng、Lò̤ Céng-ngṳ̆k dīng dīng

ak:Huang Xianfan