「Dáik-guók」調整以後𣍐蜀樣其地方

Chók-cê̤ṳ Wikipedia
刪去的內容 新增的內容
~ r2.7.1) (機器人 新增: ha:Jamus
FoxBotTō̤-lâung | góng-hióng
~ r2.7.2) (機器人 修改: iu:ᔮᒪᓂ
Dâ̤ 172 hòng: Dâ̤ 172 hòng:
[[is:Þýskaland]]
[[is:Þýskaland]]
[[it:Germania]]
[[it:Germania]]
[[iu:ᔮᒪᓂ/jaamani]]
[[iu:ᔮᒪᓂ]]
[[ja:ドイツ]]
[[ja:ドイツ]]
[[jbo:dotygu'e]]
[[jbo:dotygu'e]]

2011 nièng 10 nguŏk 22 hô̤ (B6) 12:16 gì bēng-buōng

Dáik-guók
Guók-gì
Guók-hŭi
Céng-dê cié-dô̤ Ngiê-huôi lièng-băng gê̤ṳng-huò-cié
Siū-dŭ Báik-lìng
Guăng-huŏng ngṳ̄-ngiòng Dáik-ngṳ̄
Miêng-cék 357,021 km²
Ìng-kēu 82,400,996 (2007)
GDP $2.89 chiĕng-é (2006)
Ìng-gĭng GDP $31,400 (2006)
Dáik-guók hèng-céng dê-dù

Dáik-é-cié Lièng-băng Gê̤ṳng-huò-guók (Dáik-ngṳ̄: Bundesrepublik Deutschland), gāng-chĭng Dáik-guók (Deutschland), sê sié-gāi huák-dăk gì gĕ̤ng-ngiĕk-huá guók-gă. Ĭ ôi-dé găk Dṳ̆ng-ĕu, báe̤k-buô sê Báe̤k-hāi, Dăng-mĕk gâe̤ng Bă-ī-dék-hāi, dĕ̤ng-buô sê Pŏ̤-làng gâe̤ng Ciék-káik, nàng-buô sê Ó̤-dê-lé gâe̤ng Sô̤i-sê̤ṳ, să̤-buô sê Huák-guók, Lù-sĕng-bō̤, Bī-lé-sì gâe̤ng Hò̤-làng.

Dáik-guók sê 1 bĭk mìng-ciō ngiê-huôi-cié gì lièng-băng gê̤ṳng-huò-guók, iù 16 bĭk ciŭ cū-siàng. Lĭk-sṳ̄ siông Dáik-guók báik-cèng iù siŏh piĕ dŭk-lĭk gì uòng-guók cū-siàng. 1871 nièng gì Huák- Ciéng-cĕng sèng-âu, Dáik-guók ciáh tūng-ék có̤ 1 bĭk hiêng-dâi gì mìng-cŭk guók-gă.

Dáik-é-cié Lièng-băng Gê̤ṳng-huò-guók sê Lièng-hăk-guók, Báe̤k-iók dēng guók-cié cū-cék sìng-uòng guók. Dáik-guók iâ sê Ĕu-mèng gì sìng-lĭk-guók cĭ-ék, găk Ĕu-mèng sìng-uòng-guók dài-dŏng sê dék giòng-duâi gì guók-gă.

Lĭk-sṳ̄

Dáik-guók-nè̤ng gì cū-siĕng sê téng Sṳ̆-kăng-dì-ná-mì-ā lì gì Gé-ī-mâng-nè̤ng. Dṳ̀ lāu Gū Lò̤-mā Dá̤-guók dó̤i ĭ gì gé-cái, gū-cā Dáik-guók gì lĭk-sṳ̄ gĭ-buōng-siông dŭ mâ̤ báik.

Gū Lò̤-mà huòng-dá̤ Ó̤-gū-sṳ̆-dŭ (Augustus) găk ??? nièng ĭk-chĭng Gé-ī-mâng buô-lŏ̤h, dáng-sê mò̤ siàng-huă. Gáu dṳ̆mg-muōi, Gé-ī-mâng-nè̤ng sāi ĭ-gáuk-nè̤ng téng Gū Lò̤-mā gŭng-dôi ŏ̤h lì gì ciéng-cĕng gé-sŭk miĕk-uòng lāu Gū Lò̤-mā Dá̤-guók.

Dṳ̆ng Sié-gī sèng-âu gì Dáik-guók ciáng-sék miàng-chĭng giéu lō̤ "Sìng-séng Lò̤-mā Dá̤-guók" (Lá-dĭng-ngṳ̄: Sacrum Romanum Imperium Nationis Germanicae), sê 843 nièng téng Gă-lŏk-lìng Dá̤-guók buŏng chók lì gì guók-gă. Hâiu-sié gì lĭk-sṳ̄ guók-gă sèu-sèu chié-kă̤ ciā guók-miàng sê "mâ̤ sìng-séng, gâe̤ng Lò̤-mā mò̤ gáng-guó, iâ ng sê dá̤-guók".

19 sié-gī, Dáik-guók gì gĕ̤ng-ngiĕk kuŏ-ké kăi-sṳ̄ gŏ̤-sók huák-diēng. 1871 nièng, Pū-lū-sê̤ṳ tūng-ék Dáik-guók, sìng-lĭk Dáik-é-cié Dá̤-guók (Deutsches Kaiserreich). 1884 nièng, Dáik-guók kăi-sṳ̄ hióng hāi-nguôi gióng-lĭk sĭk-mìng-dê, bău-guák Dṳ̆ng-guók Săng-dĕ̤ng-sēngChĭng-dō̤.

1918 nièng, Dáik-guók găk Ék-ciéng dṳ̆ng sék-bâi. 1919 nièng, sìng-lĭk "Ôi-mā Gê̤ṳng-huò-guók" (Weimarer Republik). Ék-ciéng ciéng-bâi ké̤ṳk Dáik-guók-nè̤ng lâu giâ gì tì-ṳ̄ sê 1930 nièng-dâi Ná-chī (Nationalsozialistische Deutsche Arbeiterpartei) huák-dông Nê-ciéng muài giâ cṳ̄ng-cī.

1933 nièng, Hĭ-táh-lĕk (Hitler) liāng-dô̤ gì Ná-chī siông dài, gióng-lĭk Dâ̤-săng Dá̤-guók, dó̤i nô̤i sĭk-hèng dŭk-cài, dó̤i nguôi huák-dông ciéng-cĕng. 1945 nièng 5 nguŏk, Sŭ-lièng ciéng-liāng Báik-lìng, Nê-ciéng giék-sók.

1945 nièng, Dáik-guók liāng-tū ké̤ṳk Mèng-gŭng tiáh có̤ sé léng: să̤-báe̤k léng ké̤ṳk Ĭng-guók ciéng-liāng, să̤-nàng léng ké̤ṳk Huák-guók ciéng-liāng, dĕ̤ng-nàng léng ké̤ṳk Mī-guók ciéng-liāng, cī săng léng iâ hô̤ lō̤ Să̤-dáik, ciòng miàng cêu sê gĭng-dáng-nĭk gì Dáik-é-cié Lièng-băng Gê̤ṳng-huò-guók (Bundesrepublik Deutschland); dĕ̤ng-báe̤k léng ké̤ṳk Sŭ-lièng ciéng-liāng, cêu sê Dĕ̤ng-dáik, ciòng miàng hô̤ lō̤ Dáik-é-cié Mìng-ciō Gê̤ṳng-huò-guók (Deutsche Demokratische Republik). Dáik-guók siū-dŭ Báik-lìng iâ ké̤ṳk buŏng có̤ lâng léng, dài-dŏng iù Báik-lìng-chiòng gáh lā̤.

1989 nièng Dĕ̤ng-ĕu gì Gê̤ṳng-sāng-ciō-ngiê céng-guòng sák-dài. 1990 nièng 10 nguŏk 3 hô̤, Báik-lìng-chiòng ké̤ṳk tiāng dō̤, Dáik-guók tṳ̀ng-sĭng tŭng-ék.

Ùng-huá

Gŏ̤-dáik sê Dáik-guók dék ūi-dâi gì sṳ̆-siōng-gă cĭ-ék.

Dáik-guók sèu-sèu ké̤ṳk nè̤ng cáng-mī có̤ "das Land der Dichter und Denker" (sĭ-ìng gâe̤ng sṳ̆-siōng-gă gì tū-dê).

Dáik-guók gì ùng-hŏk â̤ dŭi-sùi gáu Dṳ̆ng Sié-gī. Mā-dĭng Lô-dáik huăng-ĭk gì «Séng-gĭng» sê hiêng-dâi Gŏ̤-dê Dáik-ngṳ̄ gì gĭ-chū. Hâiu-sié chók-miàng gì sĭ-ìng gâe̤ng cáuk-gă ô Gŏ̤-dáik (Goethe), Huò-hŭ-mâng (Hoffmann), Sĭk-là̤ (Schiller) dēng-dēng.

Dáik-guók gì diék-hŏk dó̤i sié-gái īng-hiōng cêng duâi. Ūi-dâi gì diék-hŏk-gă ô Lài-buó-nà̤-chṳ̆ (Leibniz), Kŏng-dáik (Kant), Háik-gáh-ī (Hegel), Mā-káik-sṳ̆ (Marx), Ŏng-gáh-sṳ̆ (Engels), Hié-ī-bă-háik (Feuerbach), Sŏ̤-pèng-hâu (Schopenhauer), Nà̤-chāi (Nietzsche), Ià-sṳ̆-pá-sṳ̆ (Jaspers), dēng-dēng.

Găk ĭng-ngŏk liāng-mĭk, Dáik-guók dó̤i sié-gái gì īng-hiōng ciō-iéu sê tŭng-guó â-dā̤ ĭng-ngŏk-gă gì cáuk-pīng biēu-hiêng chók lì gì: Bă-háik (Bach), Buói-dŏ̤-hŭng (Beethoven), Sŭ-mâng (Schumann), Sŭ-báik (Schubert), Sṳ̆-táh-lò̤-sṳ̆ (Strauss), dēng-dēng.

Ĭng-ôi Dáik-guók gì gĕ̤ng-ngiĕk gâ̤eng gĭng-cá̤ huák-dăk, Dáik-ngṳ̄ iâ sê sié-gái hăk-hâu diē-lié gá gì dâ̤ săng duâi nguôi-ngṳ̄, iâ sê Ĕng-tō̤-nă̤h gà̤-dēng sāi-ê̤ṳng dâ̤ nê sâ̤ gì ngṳ̄-ngiòng.

Téng 1970 nièng-dâi gáu hiêng-câi, Dáik-guók găk sié-gái gì ùng-huá siông huák-hŭi muōng lài muōng duâi gì cáuk-ê̤ṳng.

模板:Link FA 模板:Link FA 模板:Link FA 模板:Link FA 模板:Link FA 模板:Link FA