𣗬兜站

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.

---

𣗬兜站（地鐵站寫其是樹兜）

𣗬兜站（地鐵站裡勢寫其是「樹兜」），是福州地鐵1號線其蜀萆臺中站其車站，伊敆福建省福州市鼓樓區華林路共五四路墿口其下底。𣗬兜站敆2017年1月6號開始使。

站名來源

《閩都別記》裡勢有記，𣗬兜夫塊仈曾是瓮城，生其盡像衣兜，會保護福州城。故此福州儂將瓮城其位處號𡅏「兜」，野形象。復因爲嚽所𣗬野価，就告「𣗬兜」了。一直遘民國其時候，地圖懸頂都是寫「𣗬兜」，後首改做「樹兜」。

車站結構

站廳

𣗬兜站其站廳是一般其裝修，無什乇特色。車站裡勢其廁所敆D出入口。

𣗬兜站其站廳

站臺

𣗬兜站有兩萆站臺，都是乞1號線使其。站臺是島式站臺其設計。其中，1號站臺是去象峰，2號站臺是去福州火車南站使其。

去象峰其1號站臺

去福州火車南站其2號站臺

出入口

𣗬兜站其C出入口

𣗬兜站其D出入口

𣗬兜站有四萆出入口，但是目前固有蜀萆出入口固無開始使，所以現在有三萆出入口敆使，無障礙電梯敆C出入口，廁所敆D出入口。其中，B出入口其邊兜有公交車站「屏東站」共「省農科院站」，C出入口其邊兜有公交車站「樹兜站」共「屏東站」，D出入口其邊兜有公交車站「屏東站」共「省農行站」。