南門兜站

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.

---

南門兜站

南門兜站，是福州地鐵1號線共福州地鐵2號線其蜀萆轉乘車站，伊敆福建省福州市鼓樓區八一七路、烏山路共坵塍路其下底。其中，1號線敆2017年1月6號開始使，2號線敆2019年4月26號開始使。

站名來源

明朝府城其南城門敆嚽塊，所以號南門。為了防止外地儂拍躒來，就做了蜀座半圓其瓮城，因為福州人形象其乞瓮城敆其地方號「兜」，所以有了南門兜。

車站結構

站廳

南門兜站其1號線站廳

南門兜站其2號線站廳

南門兜站其站廳是特色車站，裡勢有兩萆客服中心，有蜀面文化牆，主題是「閩都春韻」，轉乘通道裡勢固有介紹福州歷史其乇。車站裡勢其廁所敆A1出入口。

站臺

去象峰其1號站臺

去福州火車南站其2號站臺

去蘇洋其3號站臺（地鐵編號是1號）

去洋里其4號站臺（地鐵編號是2號）

南門兜站有四萆站臺，1號共2號站臺是乞1號線使其。站臺是島式站臺其設計。其中，1號站臺是去象峰，2號站臺是去福州火車南站使其。3號共4號站臺（不過地鐵編號故是1號共2號）是乞2號線使其。站臺是島式站臺其設計。其中，3號站臺是去蘇洋，4號站臺是去洋里使其。

出入口

南門兜站其E出入口

南門兜站有十一萆出入口，但是目前固有三萆出入口固無開始使，所以現在有八萆出入口敆使。伊其無障礙電梯敆C共H出入口。其中，A1出入口其邊兜有公交車站「道山路口站」。