Harry Potter

文件:Ha-li Poo-taik iu-pieu.jpg

Hă-lī Pŏ̤-táik gì gé-niêng iù-piéu, éng gì sê chék buōng cṳ̆ gì cṳ̆-méng

«Hă-lī Pŏ̤-táik» (Harry Potter) sê Ĭng-guók cáuk-gă J. K. Lò̤-lìng siā gì chék buōng hiê-liĕk siēu-siók, guăng-ṳ̀ siŏh ciáh dòng-buŏ-giāng ŭ-sṳ̆ Hă-lī Pŏ̤-táik (Harry Potter) gâe̤ng ĭ bèng-iū Lò̤-ŏng Ôi-sṳ̆-lī (Ron Weasley) gâe̤ng Háik-mīng Gáh-làng-giĕk (Hermione Granger). Gū-sê̤ṳ siék-diâng diŏh mò̤-huák hŏk-hâu Hók-uô-chṳ̄ Hŏk-iêng (Hogwarts) diē-sié, cuō-iéu cìng-ciék dŭ sê Hă-lī Pŏ̤-táik gâe̤ng buóh-āi tūng-dê mò̤-huák sié-gái gì ngài-áuk ŭ-sṳ̆ Hù-dê-mò̤ (Voldemort) cĭ-găng gì cĕng-dáu.

Téng 1997 nièng tàu buōng «Hă-lī Pŏ̤-táik» hiê-liĕk «Hă-lī Pŏ̤-táik gâe̤ng Mò̤-huák-siŏh» (Harry Potter and the Philosopher's Stone) chók-bēng kăi-sṳ̄, «Hă-lī Pŏ̤-táik» cêu sìng-ùi sié-gái dék chók-miàng gì cṳ̆, dáik diŏh hēng duâi gì sŏng-ngiĕk sìng-gŭng. 2007 nièng 4 nguŏk, sèng lĕ̤k buōng hiê-liĕk gê̤ṳng-cūng mâ̤ chók 3.25 é tó̤, bêng-chiā ké̤ṳk huăng-ĭk có̤ chiĕu-guó 64 cṳ̄ng ngṳ̄-ngiòng. 2007 nièng 7 nguŏk 21 hô̤, dê chék buōng «Hă-lī Pŏ̤-táik gâe̤ng Sī-séng» (Harry Potter and the Deathly Hallows) huák-hèng. Dăng-dăng găk Mī-guók cêu có̤-sŏ̤h-â mâ̤ chók 1200 uâng buōng, páh puái sié-gái gé-liŏh.

Hiê-liĕk

1. «Hă-lī Pŏ̤-táik gâe̤ng Mò̤-huák-siŏh» (Harry Potter and the Philosopher's Stone, 1997 n. 6 ng. 26 h.)
2. «Hă-lī Pŏ̤-táik gâe̤ng Mĭk-sék» (Harry Potter and the Chamber of Secrets, 1998 n. 7 ng. 2 h.)
3. «Hă-lī Pŏ̤-táik gâe̤ng Ă-cṳ̆-ká-băng gì Huâng-nè̤ng» (Harry Potter and the Prisoner of Azkaban, 1999 n. 7 ng. 8 h.)
4. «Hă-lī Pŏ̤-táik gâe̤ng Huōi-iêng-buŏi» (Harry Potter and the Goblet of Fire, 2000 n. 7 ng. 8 h.)
5. «Hă-lī Pŏ̤-táik gâe̤ng Hông-huòng-siâ» (Harry Potter and the Order of the Phoenix, 2003 n. 6 ng. 21 h.)
6. «Hă-lī Pŏ̤-táik gâe̤ng Hông-háik Uòng-cṳ̄» (Harry Potter and the Half-Blood Prince, 2005 n. 6 ng. 16 h.)
7. «Hă-lī Pŏ̤-táik gâe̤ng Sī-uòng Séng-ké» (Harry Potter and the Deathly Hallows, 2005 n. 7 ng. 16 h.)