Dŭng-săng Nâi-iŏng
Chăng-kō̤ Mìng-dĕ̤ng-ngṳ̄ Háng-cê gì bēng-buōng. / 參考閩東語漢字其版本。
Dŭng-săng Nâi-iŏng (Nĭk-buōng-ngṳ̄: 東山 奈央 (Dŭng-săng Nâi-iŏng) Tōyama Nao, 1992 nièng 3 nguŏk 11 hô̤ – [1]), Nĭk-buōng-nè̤ng, nṳ̄-gái, sê puói-ĭng iēng-uòng, iâ-sê gŏ̤-chiū[2]. Háik-hìng A-hìng, iù Nĭk-buōng Bó̤-ĭng Iēng-gié Ngiēng-giú-sū (日本播音演技研究所) ngiēng-siŭ-kuŏ (研修科) bék-ngiĕk[2]. Hiêng-káik-sì găk INTENTION gŭng-cáuk[3].
GĬng-lĬk[Siŭ-gāi | Gāi nguòng-mā]
Dŭng-săng có̤-sá̤-sá̤ kī, cêu găk sĕ̤ng-ngṳ̄ kuàng-gīng diē-sié sĕng-uăk. Ĭ nông-bâ sê iù hāi-nguôi diōng gáu Nĭk-buōng gì, bàng-siòng dŭ gōng Ĭng-ngṳ̄. Ĭ niòng-nā̤ gōng gì sê Nĭk-buōng-uâ. Ĭ găk ciŏng-uâng gì kuàng-gīng diē-sié sĕng-uăk, gó-chṳ̄ Ĭng-ngṳ̄ iā bá.[4] Ĭ găk chŭ-gŏ̤-dṳ̆ng ék-guáng-cié (初高中一貫制) hŏk-hâu diē-sié tĕ̤k-cṳ̆[5]. Ĭ tĕ̤k chŭ-nê gì sì-hâiu, ô siŏh ciáh dùng-hŏk, ī-hâiu siōng có̤ sĭng-iŭ (聲優) — iâ cêu-sê puói-ĭng iēng-uòng. Dŭng-săng báik-diōng cĭ-hâiu, cê-gă iâ siōng ché siŏh ché, cêu áng dài-sṳ̀ ké̤ṳk siŏh buô cáuk-pīng puói lāu ĭng. Puói-ĭng cĭ-hâiu, ĭ huák-hiêng có̤ sĭng-iŭ cêng kó̤ iā ô-mê, cêu lĭk-giâ ciŏng-uâng gì mŭk-biĕu.[5] Gáu gŏ̤-dṳ̆ng gì sì-hâiu, ĭ dùng-sì kó̤ NĬk-buōng Bó̤-Ĭng Iēng-gié Ngiēng-giú-sū, hŏk-sĭk sĭng-iŭ gì buōng-sê̤ṳ. Siŭ-sĭk (修習) bék-ngiĕk cĭ-hâiu, gă-diē ARTSVISION sê̤ṳ-ô-sū. Ĭ hŏk-ngiĕk gâe̤ng sê̤ṳ-ngiĕk dŭ ô huă sĭng-sṳ̆, kō̤ dâi-hŏk gì sì-hâiu iâ dŭ hăk-gáik.
2010 nièng 10 nguŏk, diêng-sê dông-uâ «Nâ ô sìng â̤-báik gì sié-gái» gâe̤ng «STAR DRIVER Siēng-luŏng gì Ták-kuŏ-dĕk» (----閃亮其塔科特) kăi-sṳ̄ bó̤-huóng. Dŭng-săng găk sèng siŏh-buô dông-uâ ké̤ṳk Dṳ̆ng-chiŏng Gă-nùng (中川加儂) puói-ĭng, găk hâiu siŏh-buô ké̤ṳk Sugatame Taigā (スガタメ・タイガー) puói-ĭng. Cuòi cêu-sê ĭ ciáng-sék gì chiàng-ngiê.[2] «Nâ ô sìng â̤-báik gì sié-gái» cáuk-ciā Iŏk-mŭk Mìng-hī (若木民喜) găk Twitter pìng-lâung sōng-ê̤ṳng (選用) Dŭng-săng Nâi-iŏng cī siŏh-giông dâi-gé gì sì-hâiu ciŏng-uâng gōng: „Có̤ dông-uâ, cêu diŏh niông sĭng-ìng puói ngēu-chiông (偶像) gáe̤k-sáik lāu uă.“[6][7].
2014 nièng 4 nguŏk 1 hô̤, Dŭng-săng liê-kŭi ARTSVISION. Cī siŏh-nièng 5 nguŏk 1 hô̤, gă-diē Lìng-chŏng Giông-ék siék-lĭk gì sê̤ṳ-ô-sū — INTENTION[3].
2016 nièng 11 nguŏk 17 hô̤, Dŭng-săng sŏng-buó chiàng-ngiê có̤ gŏ̤-chiū, bêng-chiā kŭi-siék lāu guăng-huŏng uōng-câng gâe̤ng Twitter, LINE dióng-hô[8].
Chăng-kō̤ cṳ̆-lâiu[Siŭ-gāi | Gāi nguòng-mā]
- ↑ «SEIGURA» 2010 nièng 12 nguŏk hô̤
- ↑ 2.0 2.1 2.2 日本ナレーション演技研究所出身 東山奈央さん 前編. [2015年12月27日]. (nguòng-sṳ̄ nô̤i-ṳ̀ng còng-dŏng diŏh 2016-01-05) (日文).
- ↑ 3.0 3.1 ごあいさつ. Nao's Blog. 2014-05-01 [2016-10-22]. (nguòng-sṳ̄ nô̤i-ṳ̀ng còng-dŏng diŏh 2016-03-04) (日文).
- ↑ 【ACE2013】内山夕実、東山奈央インタビュー！「きんいろモザイク」初イベントの感想やユニットを語る. こえぽた(KoePota). [2016-04-25].
- ↑ 5.0 5.1 『武装中学生』書籍発売記念、小清水亜美さん（名取トウコ役）と東山奈央さん（瀬波ヒカリ役）のコメント動画公開. ファミ通.com. 2013-03-05 [2013-03-06] (日文).
- ↑ 若木民喜. angelfrench: 最近の声優さんはみんなお若いですね。まあ、かのん役は、新人で ... Twitter. 2010-11-04 [2013-05-18].
- ↑ 若木民喜. angelfrench: アニメじゃ、アイドルの役ってのは新人さんがやるものでしょ。 ... Twitter. 2010-11-04 [2013-05-18].
- ↑ 東山奈央、テレビ＆劇場版「チェンクロ」主題歌でアーティストデビュー. 音楽ナタリー. 2016-11-17 [2016-11-17] (日文).