Lá-bĭng-dáik-lá-nà-sṳ̆ Tái-gŏ̤-ī

Lài-nguòng: Wikipedia
Tiéu gáu: īng-dô̤sìng-tō̤
Lá-bĭng-dáik-lá-nà-sṳ̆ Tái-gŏ̤-ī

Lá-bĭng-dáik-lá-nà-sṳ̆ Tái-gŏ̤-ī (1861 n. 5 ng. 7 h. - 1941 n. 8 ng. 7 h., Ĭng-ngṳ̄: Rabindranath Tagore; Mâing-gă-lá-ngṳ̄: রবীন্দ্রনাথ ঠাকুর) sê Mâing-gă-lá 19 sié-gī hâiu-gĭ gáu 20 sié-gī cā-gĭ ūi-dâi gì sĭ-ìng, diék-hŏk-gă, uâ-gă, kiŏk-cáuk-gă, ĭng-ngŏk-gă. Ĭ iâ sê Mâing-gă-lá gâe̤ng Éng-dô gì ùng-huá dô̤i-biēu ìng-ŭk. 1913 nièng, Tái-gŏ̤-ī dáik diŏh Nŏk-buói-ī ùng-hŏk-ciōng, sê Ā-ciŭ tàu ciáh dáik diŏh ciā ciōng gì nè̤ng.

Tái-gŏ̤-ī gì sāng-ùng nô̤i-ṳ̀ng ciō-iéu sê siâ-huôi, céng-dê gâe̤ng gáu-ṳ̆k, ĭ gì sĭ-gŏ̤ dṳ̀ lāu cŭng-gáu nô̤i-ṳ̀ng ī-nguôi, iâ biēu-dăk lāu dó̤i cê̤ṳ-iòng gâe̤ng sĕng-mêng gì iĕk-ái. Găk ĭ cáuk-pīng diē-lié, ái sê īng-hèng gì ciō-dà̤.

Tái-gŏ̤-ī chók-miàng gì sĭ-gŏ̤ cáuk-pīng bău-guák «Gì-tàng-cā-lì» (Gitanjali), «Tiáh Guōi Cĭk» (Fruit-Gathering), «Sĭng Nguŏk Cĭk» (The Crescent Moon), «Buŏi Cēu Cĭk» (Stray Birds), dēng-dēng.