節氣

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.

---

廿四節氣

坐標系	節氣	曆
春
315°	立春	2月4號遘5號
330°	雨水	2月18號遘19號
345°	驚蟄	3月5號遘6號
0°	春分	3月20號遘21號
15°	清明	4月4號遘5號
30°	穀雨	4月20號遘21號
夏
45°	立夏	5月5號遘6號
60°	小滿	5月21號遘22號
75°	芒種	6月5號遘6號
90°	夏至	6月21號遘22號
105°	小暑	7月7號遘8號
120°	大暑	7月22號遘23號
秋
135°	立秋	8月7號遘8號
150°	處暑	8月23號遘24號
165°	白露	9月7號遘8號
180°	秋分	9月23號遘24號
195°	寒露	10月8號遘9號
210°	霜降	10月23號遘24號
冬
225°	立冬	11月7號遘8號
240°	小雪	11月22號遘23號
255°	大雪	12月7號遘8號
270°	冬至	12月21號遘22號
285°	小寒	1月5號遘6號
300°	大寒	1月20號遘21號

節氣是指十二芘節令共十二芘中氣，是中國舊底廮𡅏指導農業其曆法曆注。

中國傳統農曆是蜀種陰陽合曆，同時根據日、月運行制定。「陰」是以朔望月為基準來確定，「陽」是以地球趁冬至開始圍𡅏日頭公轉蜀環為基準確定歲實，每芘回歸年是365天5小時48分46秒，廿四節氣據此劃分，其中：

• 春分是著黃經（日頭經度或天球經度）0°（春分点）。
• 夏至是著敆日頭遘黃經90°辰候（日頭幾乎直射北回歸線，北回歸線以北日中最長）。
• 秋分是著黃經180°（秋分點）。
• 冬至是著敆日頭遘黃經270°辰候（日頭幾乎直射南回歸線，北半球日中最短）。

蜀年劃分咯廿四節氣，共現代曆法將蜀日劃分為廿四小時，兩者數字都是24。

2016年，聯合國教科文組織將「廿四節氣——中國人通過觀察日頭週年運動而形成其時間知識體系共實踐」列遘人類非物質文化遺產代表作名錄。茲芘非遺項目其擴展名錄包括：九華立春祭、班春勸農、石阡說春、三門祭冬、壯族霜降節、苗族趕秋、安仁趕分社。2022年8月7號發行廿四節氣（光陰其故事）金銀紀念幣蜀套，共28枚。其中包括金質紀念幣4枚，銀質紀念幣24枚。

起源

中國舊底使土圭實測日晷，將每年日影最長叫做「日至」（復號𡅏日長至，就是太極圖臺中四象其太陰、長至、冬至），日影最短叫做「日短至」（復號𡅏短至、夏至）。敆春秋兩季各有蜀日其日中共暝晡其時間長短相等，就分別叫做「春分」共「秋分」。全世界各地曆法都有記錄春分、夏至、秋分、冬至茲四芘時刻。中國敆商朝辰候也囇茲四芘辰候（四象），遘周朝辰候發展遘了八茲（八卦）。

遘秦漢年間，廿四節氣已完全確立。完整其廿四節氣名稱最早出現著《淮南子·天文訓》。《史記·太史公自序》臺中其「論六家要旨」臺中也有提遘陰陽（日月運行）、四時（四季）、八位（八卦）、十二度（時辰）、廿四節氣等概念。漢武帝太初元年（公元前104年），鄧平、落下閎等將廿四節氣編遘《太初曆》臺中，固加規定無中氣之月，定為上月其閏月。

廿四節氣其每蜀芘節氣分別相應著日頭敆黃道上每運動15°所遘其位置。廿四節氣復分為12芘節令共12芘中氣，一一相間。廿四節氣反映咯日頭週年視運動，故以伊敆公曆日期近乎固定，上半年其節令敆6號，中氣敆21號，下半年其節令敆8號，中氣敆23號，前後儥差蜀兩日。敆沈括十二氣曆臺中，12芘節令也是干支紀月臺中其每蜀茲月支其起始之日，例如，立春是寅月之始，驚蜇是卯月之始。

廿四節氣其名字反映咯季節共氣候其變化。立春、春分、立夏、夏至、立秋、秋分、立冬、冬至，復號𡅏八位，是區分公轉運動對地球影響其八芘關鍵節點；雨水、驚蟄、清明、穀雨、小滿、芒種、小暑、大暑、處暑、白露、寒露、霜降、小雪、大雪、小寒、大寒等十六芘反映咯四季臺中更細微其氣候變化。

平氣法共定氣法

中國舊底曆法最早是使「平氣法」：將每蜀年冬遘第二年冬至其蜀芘回歸年其時間平分成十二等分，叫做中氣；再將两芘中氣等分叫做節令。後斗其儂發現平氣法無法反映出真實其氣候狀況（因為地球圍𡅏日頭運行其軌道是橢圓形。離日頭比較近辰候，地球公轉速度比較快，比較遠辰候就比較慢）。

隋朝劉焯受遘張子信共伊其徒弟劉孝孫學說其影響，敆日頭運動儥勻速其基礎上，提出「定氣法」，但是無年呆正確認識遘日頭運動速度其變化規律，故此伊其《皇極曆》對定氣其推算有比較大其偏差。唐朝一行對日行盈縮規律其認識比較準確，指出日行速度連續變化，敆冬至辰候運行最快，夏至辰候運行最慢。伊其《大衍曆》已經有比較準確計算日行軌跡其方法，故此已經會使使定氣法注曆，不過曆書臺中其廿四節氣固是使平氣，囇敆計算日月行度共朔望、日、月蝕時刻乍使定氣，就如《舊唐書》小注講其「凡推日月行度及軌漏交蝕，竝依定氣。若注曆即依恆氣也」。以後曆學家都明瞭定氣法，但是注曆固是使平氣。

明末清初，西學東漸，使平氣固是定氣注曆成為中西曆爭中其焦點。清順治二年（1645）《時憲曆》正式改成定氣，是中國曆法史上其重大改革之一。現在其農曆固是使定氣，嚴格按照日頭黃經確定。以春分點為0度，日頭在黃道上每運行15度訂為蜀芘節令或者中氣，現在其節令共中氣合𡅏叫做「節氣」。

廿四節氣時刻

中國科學院紫金山天文台是中華人民共和國唯一其專門研究曆書天文共編算年曆其機構，提供分鐘級別精確度其節氣時刻。

日頭敆黃道上其位置可以廮𡅏確定廿四節氣其交接時刻：

季節 （北溫帶 為準）	公曆 月份	日頭位敆 黃經角度	廿四節氣	公曆日期 交節（±1日）	月支	黄道十二宫
春季	2月	315°	立春	2月4號	寅	水瓶宮
		330°	雨水	2月19號		雙魚宮
	3月	345°	驚蟄	3月6號	卯
		0°	春分	3月21號		牡羊宮
	4月	15°	清明	4月5號	辰
		30°	穀雨	4月20號		金牛宮
夏季	5月	45°	立夏	5月6號	巳
		60°	小滿	5月21號		雙子宮
	6月	75°	芒種	6月6號	午
		90°	夏至	6月21號		巨蟹宮
	7月	105°	小暑	7月7號	未
		120°	大暑	7月23號		獅子宮
秋季	8月	135°	立秋	8月8號	申
		150°	處暑	8月23號		處女宮
	9月	165°	白露	9月8號	酉
		180°	秋分	9月23號		天秤宮
	10月	195°	寒露	10月8號	戌
		210°	霜降	10月23號		天蝎宮
冬季	11月	225°	立冬	11月7號	亥
		240°	小雪	11月22號		射手宮
	12月	255°	大雪	12月7號	子
		270°	冬至	12月22號		摩羯宮
	1月	285°	小寒	1月6號	丑
		300°	大寒	1月20號		水瓶宮

節氣歌共民諺

因為節氣反映咯地球圍𡅏日頭運動其過程，是每年季節變更其重要標誌，故此對農業生產嘢重要。中國農民為𡅏更方便咯根據節氣來安排農事，長期以來形成嘢価相關其民諺。

廿四節氣歌

春雨驚春清穀天，夏滿芒夏暑相連，
秋處露秋寒霜降，冬雪雪冬小大寒。
每月兩節不變更，最多相差一兩天，
上半年來六、廿一，下半年是八、廿三。

注意：每蜀月有兩芘節氣，上半年分布著公曆每蜀月其6號共21號，下半年分布著公曆每蜀月其8號共21號。最多相差一兩日。

西曆十二月節氣歌

二月 立春雨水節；
三月 驚蟄及春分；
四月 清明並穀雨；
五月 立夏小滿方；
六月 芒種及夏至；
七月 小暑大暑當；
八月 立秋還處暑；
九月 白露秋分忙；
十月 寒露又霜降；
十一月 立冬小雪張；
十二月 大雪冬至節；
一月 小寒大寒昌。

各地其它諺語

• 中國：
  • 華北地區：
    • 早立秋，冷颼颼；晚立秋，熱死牛。（如果立秋時間敆日出之前，之後其天氣就會比較凊；如果出現敆日出之後，接下來其天氣就會比較悶熱。）
    • 秋分早，霜降遲，寒露種麥正當時。
    • 清明前後，種瓜種豆。
    • 植樹造林，莫過清明。
  • 江浙地區：
    • 白露身勿露，赤膊變豬玀。
    • 寒露腳勿露。
    • 冬練三九，夏練三伏。
    • 黃河中下游《九九歌》：一九二九不出手；三九四九冰上走；五九六九抬頭望柳；七九河開，八九雁來；九九加一九，耕牛遍地走。
  • 嶺南地區：
    • 清明穀雨，凍死老鼠。
  • 福州地區：
    • 清明穀雨，寒死老鼠。