柔遠驛

Chók-cê̤ṳ Wikipedia
(Iù 琉球館 dêng-hióng lì gì)
跳至導覽 跳至搜尋

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bāng-buōng.


今旦琉球館其正門

柔遠驛,也號𡅏琉球館,是福州臺江其蜀座旅館樣式其建築。

琉球館是明朝成化8年(1472年)起其,專門掏來住琉球儂。許辰候,琉球國其儂儷是卜想遘中國來,儷中着福州上岸。故此明朝着臺江專門起蜀隻琉球館乞伊各儂住。琉球共福州有野特殊其歷史關係,琉球館敆茲裡其地位也是野重要。

琉球國敆滿清三藩之亂臺中乞做散斗,遘尾了滿清政府出錢修好。1875年,日本強迫琉球共中國斷絕外交關係,反對日本統治其琉球儂走來福州,住着嚽塊,要求滿清政府向日本抗議。1879年日本滅琉球以後,固有野価來福州其琉球儂住着茲裡勢。遘1937年抗日戰爭爆發以後,裡勢其琉球儂基本都轉厝了。

改革開放以後,因為福州市區其擴展,政府大做拆遷,琉球館也乞拆平八,伊其面積儷剩原來其1/10都無夠。1992年,政府派儂修復者館,改名號𡅏「福州對外友好關係史博物館」,將福州共琉球有干過其乇掏廮嚽塊展覽。1996年,乞福建省政府定做“省級文物保護單位”。