羊駝

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.

---

?羊駝
保護狀況
馴養
生物分類
界： 動物界 Animalia 門： 脊索動物門 Chordata 綱： 哺乳綱 Mammalia 目： 偶蹄目 Artiodactyla  科： 駱駝科 Camelidae 屬： 小羊駝屬 Vicugna 種： 羊駝 V. pacos
學名
Vicugna pacos (Linnaeus, 1758)

羊駝（學名：Vicugna pacos，英語: Alpaca），是偶蹄目駱駝科，外形有仂囝像綿羊，一般敆高原生活。世界上現在有其羊駝大概有300萬頭左右。大概90%以上生活敆南美洲其祕魯共智利其高原懸頂。其它分布著澳大利亞其維多利亞州其及新南威爾士州。

別名

因為亞洲中文地區伓是羊駝其原產地，故此講嘢価儂是趁「草泥馬」其網络文化認識講茲種動物，共「草泥馬」當作茲種動物其名稱。新聞媒體也盡稠使「草泥馬」來做茲種動物其名稱。

源出

羊駝乞人工馴養超過6000年，伊其歷史會使逐遘印加帝國早期。敆歐洲儂「發現」美洲大陸以前，羊駝和共伊其表親大羊駝敆南美洲是僅有其乞馴化其頭牲，是安地斯文明整體其蜀部分也是伊其文明生活方式其體現。羊駝會使提供食物、燃料、衣裳共運輸畜力。敆西班牙佔領印加以後，嘢価羊駝、大羊駝共印第安人都齊死澈去，但是敆居住條件不合適人類其阿爾蒂普拉諾高原（Altiplano），茲種物種倖存下來。

如今，羊駝數量超過了三百萬，但是敆南美洲外斗，生存量就真少（大概4萬）。羊駝是高度群居其動物，容易飼養共照看。羊駝其外表看起來嘢有味，故此嘢価觀光牧場飼養羊駝。羊駝主要通過身體样式共軟軟其哼唱聲來交流。一般來說，大羊駝其重量大概是敆100遘200公斤，羊駝大概是70遘90公斤。

經濟價值

羊駝其皮毛會使作羊毛其更高檔替代品。敆20遘21世紀之交，羊駝毛紡織品敆國際市場上行情嘢好。

澳大利亞已經開始養殖羊駝，使皮毛來換更貴其乇。蜀樣面積其毛皮製品，綿羊需要八張毛皮，但是羊駝就著使十六張毛皮。故此價格居高不下。

2014年底，中國媒體報導「哈佛學生創業賣羊駝」新聞。哈佛大學其三隻中國留學生將羊駝肉共毛紡製品做成羊年春節禮盒，來測試中國其市場反應。

大眾文化

• 2009年初，中華人民共和國互聯網懸頂出現惡搞「神獸」草泥馬，配羊駝相片。
• 日本2ch論壇懸頂其羊駝表情(・´ｪ`・)
• 敆跨媒體作品《LoveLive!》臺中有两頭羊駝，由一隻叫小泉花陽其角色負責照顧。敆手機遊戲《LoveLive! 學園偶像祭》裏勢，羊駝是蜀項會使提升經驗值其道具。
• 敆游戏《我其世界》臺中，羊駝是可馴化生物。