Káng "Mìng-gĕ̤ng" gì nguòng-dâi-mā

{{twinLAT|閩江}}

[[File:River min and chongseng hill 2.JPG|thumb|300px|Mìng-gĕ̤ng gì Lṳ̀ng-tàng-gáe̤k (龍潭角)|right]]
'''Mìng-gĕ̤ng''' (閩江) sê [[Hók-gióng-sēng]] dék duâi gì [[ò̤]], huák-nguòng diŏh Hók-gióng gâe̤ng [[Gŏng-să̤]] biĕng-gái gì [[Ū-ì-săng]]-mĕk, hióng dĕ̤ng-nàng làu diē [[Dĕ̤ng-hāi]]. Gáng-làu dòng 577 gŭng-lī, làu-mĭk miêng-cék 60,992 bìng-huŏng gŭng-lī, mū-liŏh iéng Hók-gióng ciòng sēng miêng-cék gì 50% ī-siông. [[Nàng-bìng]] cĭ gèng sê siông-kă̤, Nàng-bìng gáu [[Kŭ-chèng]] [[Cūi-kāu]] sê dŏng-kă̤, Cūi-kāu â-dā̤ sê â-kă̤. Mìng-gĕ̤ng ô cêng sâ̤ ciĕ-làu, cūi-liông hŭng-hó, bìng-gĭng làu-liông sê 1,980 lĭk-huŏng-mī/miēu, làu-mĭk miêng-cék găk [[Dṳ̆ng-guók]] ciō-iéu gĕ̤ng-ò̤ dâi-dŏng bà̤ dâ̤ 12 ôi, nièng bìng-gĭng làu-liông bà̤ ciòng-guók dâ̤ 7 ôi. [[Uòng-ò̤]] gì làu-mĭk miêng-cék bī Mìng-gĕ̤ng duâi 11 buôi, bók-guó cūi-liông nâ sê ĭ gì 92%.

Mìng-gĕ̤ng diŏh [[Siông-duô]] ô 3 dèu nguòng-tàu: báe̤k-nguòng Gióng-kă̤ (建溪); dṳ̆ng-nguòng Hó-dòng-kă̤ (富屯溪), iâ hô̤ lō̤ Giéng-kă̤ (劍溪); nàng-nguòng Să-kă̤ (沙溪). Cī 3 dèu [[kă̤]] găk Ū-ì-săng-mĕk gâe̤ng [[Dái-ùng-săng]]-mĕk diē-sié uăng lì uăng kó̤, pă lì pă kó̤, gáu dṳ̆ng-muōi găk Nàng-bìng hó-gê̤ṳng làu gáu siŏh-dŏi. Mìng-gĕ̤ng dṳ̆ng-iù dê-kṳ̆ buŏng có̤ [[Iù-kă̤]] (尤溪) gâe̤ng Kŭ-chèng-kă̤ (古田溪), hâ-iù làu diē Duâi-ciŏng-kă̤ (大樟溪) gâe̤ng Muòi-kă̤ (梅溪).

Mìng-gĕ̤ng găk [[Hók-ciŭ]] chê-kṳ̆ buŏng có̤ nàng báe̤k 2 dèu,  téng [[Nàng-dòi]] (南臺) diŏh [[Mā-muōi]] (馬尾) hăk-biáng, găk Mìng-ăng-déng (閩安鎮) bô buŏng có̤ 2 dèu diē [[Dĕ̤ng-hāi]]. Mìng-gĕ̤ng găk Hók-ciŭ ô cêng sâ̤ gīng-guăng, chiông [[Gĭng-săng-sê]], [[Gĕ̤ng-sĭng Gŭng-huòng]], [[Lò̤-sĭng-ták]] dēng-dēng.

{{Cuòng-gīng
|image      = File:Cangshan in the late 19th Century.jpg
|fullwidth  = 1923
|fullheight = 511
|caption    = 19 sié-gī gì Mìng-gĕ̤ng gâe̤ng Chŏng-sèng-săng
|height     = 300
}}

{{Authority control}}
[[分類:Hók-gióng gì ò̤]]