儒家
(Iù 儒學 dêng-hióng lì gì)
參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.
儒家，也號𡅏儒家思想或者儒教，是由中國發源其蜀種思想體系。儒家最早是春秋時期魯國儂孔子提出來其，主要思想是仁、義、禮、智共信。
儒家著西漢其漢武帝手𡅏乞定做正統其思想，以後各隻朝代都繼續西漢其政策。許辰候其讀書儂著拜孔子，著讀孔子尊崇其四書五經。儒家思想也傳遘韓國、日本、琉球共越南，變成許辰候東亞漢字文化圈共同其思想。
儒家思想有仂囝帶宗教其性質，不過儒家是伓是蜀隻宗教今旦學者其看法都𣍐蜀樣。今旦日本、韓國共越南野価學者提出伊是宗教，不過敆中國，大部份儂見覺伊儷是蜀隻思想，伓是宗教。20世紀初其辰候，野価中國學者見覺嚽是落後其宗教，蔑稱伊“孔教”。文化大革命其辰候，中國共產黨對儒家思想共孔子其看法盡去呆，蔑稱孔子號𡅏孔老二。不過敆今旦其中國開始反思，復見覺儒家思想裡勢也有野価好乇了。