儒家

Chók-cê̤ṳ Wikipedia
跳至導覽 跳至搜尋

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bāng-buōng.


儒家,也號𡅏儒家思想或者儒教,是由中國發源其蜀種思想體系。儒家最早是春秋時期魯國孔子提出來其,主要思想是仁、義、禮、智共信。

儒家著西漢漢武帝手𡅏乞定做正統其思想,以後各隻朝代都繼續西漢其政策。許辰候其讀書儂著拜孔子,著讀孔子尊崇其四書五經。儒家思想也傳遘韓國日本琉球越南,變成許辰候東亞漢字文化圈共同其思想。

儒家思想有仂囝帶宗教其性質,不過儒家是伓是蜀隻宗教今旦學者其看法都𣍐蜀樣。今旦日本、韓國共越南野価學者提出伊是宗教,不過敆中國,大部份儂見覺伊儷是蜀隻思想,伓是宗教。20世紀初其辰候,野価中國學者見覺嚽是落後其宗教,蔑稱伊“孔教”。文化大革命其辰候,中國共產黨對儒家思想共孔子其看法盡去呆,蔑稱孔子號𡅏孔老二。不過敆今旦其中國開始反思,復見覺儒家思想裡勢也有野価好乇了。