茲篇文章質量霧裡去。卜想瞭解固価,起動汝點嚽塊。

刀劍神域劇場版:序列之爭

Chók-cê̤ṳ Wikipedia
跳至導覽 跳至搜尋

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.


刀劍神域劇場版:序列之爭》(日本話劇場版 ソードアート・オンライン -オーディナル・スケール-),是蜀部日本動畫電影川原礫依據伊原來倛《刀劍神域》做了茲蜀部全新倛作品。最早,2017年2月18號敆日本上映。之後同蜀年,敆東南亞歐洲美洲按順序播放。2017年3月,4DX版本陸續上映。茲部電影將動畫版第二季倛事計接下去講,講𡅏蜀件號𡅏歐古瑪(Augma)倛新機種敆AmuSphere安全性強化版之後發佈,開發倛儂自家講嚽使了擴張現實(AR)模式,會安全會安心,但是復讓桐人伊各儂碰着了其他野危險倛事計。

故事[Siŭ-gāi | Gāi nguòng-mā]

劇情背景[Siŭ-gāi | Gāi nguòng-mā]

2022年,茅場晶彥開發了「NERvGear」,嚽是世界頭蜀款專門掏去「完全潛行」倛裝置。茅場晶彥是量子物理學者,也是設計遊戲倛儂。伊因爲茲兩萆身份聞名。

「NERvGear」裝置有虛擬現實(VR)功能,外型真像拳擊護具,會將包起去。這設計野新,敆醫療通信金融交易等等方面都有乇使。蜀款號𡅏《刀劍神域》(SAO)倛遊戲也敆茲邊發佈。但是遊戲發佈頭蜀日,客佻倛儂就乞關敆游戏裏——意識清醒𣍐來。將遊戲裏鬼怪都刣死去乍會離開。最後蜀萬把儂𡅏死了六千多。嚽就是SAO事件。之後誕生了「強化安全性」倛機種「AmuSphere」。四年後,新世代擴張現實(AR)機種奧格瑪(Augma)問世。裝置去去完全潛行功能,將擴張現實功能發揮遘極致,讓儂會清醒使用。復搭配了蜀款號𡅏《序列之爭》倛專屬遊戲,是大型多人在線角色扮演遊戲(MMORPG)。總款復方便復安全倛機制,讓奧格瑪仂久就敆後生囝𡅏大傳。[1]

劇情大綱[Siŭ-gāi | Gāi nguòng-mā]

2026年,歐古瑪裝置搭配《序列之爭》茲款遊戲開始賣。歐古瑪是AmuSphere倛後繼裝置,會掏去頌。

亞絲娜(Asuna)、莉茲貝特(Lisbeth)、西莉卡(Silica)邀請桐人客佻《序列》,齊去拍艾恩格朗特(Aincrad)倛大魔頭。桐人共亞絲娜遘了許邊,碰着克萊茵(Klein)——風林火山公會倛會長。伊各儂卜拍魔頭,看見了悠那(Yuna)。伊是虛擬歌手,敆遊戲裏有野価儂野中意伊。伊唱了歌,乞參加倛儂野厲害倛戰鬬效果。擴張現實裏勢,動作反應野駃。桐人頭蜀回相拍,適應𣍐來,伓着勢拍𣍐贏。蜀隻號𡅏瑛二倛儂,敆遊戲裏排第二名,來共大家儂成。魔頭含不撮𡅏拍伊各儂,力野大,但是伊幫助大家儂成功防禦。仱亞絲娜躄上去刣死魔頭。馬上完成倛時候,瑛二對亞絲娜嫩聲講𡅏「切換」(Switch),讓亞絲娜想遘《刀劍》戰鬬倛語言。半暝,風林火山倛蜀隻成員轉厝墿中,覷遘道具卜揢,含不撮乞瑛二拍,野受治,住醫院去了。

第二日暝晡,風林火山直直等乞拍倛成員,等野𣆯未來,讓亞絲娜自家先去。克萊茵伊各儂𣍐仈成員着醫院,開始拍了固着𡅏徛,含不撮乞另蜀隻魔頭共瑛二拍。明旦,桐人轉遘前晚相拍倛公園,啟動《序列》,看見蜀隻諸娘囝,頌𡅏白色倛衣裳,是連帽倛連身裙。伊指囇遠方,仱馬上消失去。桐人共詩音拍死別蜀隻魔頭之後,結衣發現艾恩格朗特魔頭倛出現順序,共《刀劍》倛迷宮地圖同蜀樣。桐人共亞絲娜攀講,講遘茲件事,發現瑛二是「SAO事件」倛倖存者,以前也是「血盟騎士團」倛成員,名字叫「鸚鵡螺」。

之後亞絲娜、莉茲貝特、西莉卡拍魔頭時,復覷遘悠那共瑛二。敆魔頭前頭,西莉卡乞瑛二拍倒去,亞絲娜躄上去保護伊,故此自家乞拍,無血去了,無辦法再相拍,固進了醫院。亞絲娜敆醫院卜回想《刀劍》時倛事計,但是發現相關記憶開始慢慢𣍐記。桐人來看亞絲娜,會仈茲件事計,就發現歐古瑪會掃描儂,固會奪去特定記憶。其他SAO事件倛倖存者,若客佻了《序列》,也有可能發生同樣倛事計。桐人共詩音利用共魔頭相拍倛機會調查,注意遘若有SAO事件倖存者乞拍遘無血,就有乇趁伊頭頂飛出去。乇真像毬,會發光,飛野懸,直直遘天頂倛無人機,乞蒐集去。無人機據講是掏來輔助遊戲運行倛。結衣跟毬去,乞遊戲系統擋去,趕𣍐上。之後,桐人復覷遘頌白色衣裳倛諸娘囝,同樣倛動作重複無停。桐人共結衣認真探究,發現諸娘囝指倛是「東都工業大學」。

起動菊岡安排後,桐人敆學校共設計奧格瑪倛重村教授會面,但是教授夫乇都伓答。會面完了,桐人注意遘重村教授辦公桌懸頂有蜀張真像悠那倛相片。桐人問囇菊岡,會曉了就是重村教授倛女囝悠那敆SAO事件死去。桐人遘亞絲娜厝裏看伊,讀囇伊日記,發現伊因為𣍐記《刀劍》時期倛回憶,𣍐記共桐人做了約定,驚自家共桐人倛關係會改變。仱桐人發誓卜乞亞絲娜奪來記憶。離開亞絲娜倛厝後,看見頌白色衣裳倛諸娘囝,確認伊就是悠那。桐人卜自家去相拍,但悠那講桐人聽――伊定著提陞排名。之後桐人拍魔頭野稠,排名罔拍罔懸。

幾日後,客佻《序列》倛儂都遘新國立體育館去聽悠那唱歌。瑛二逼迫桐人共伊決鬬。若桐人贏伊,亞絲娜記憶乍掏還桐人。但是桐人排名固比伊低,是第九名。最後桐人贏去伊,瑛二講了事實——重村教授卜奪去事件倖存者倛記憶,來做共伊女囝蜀樣倛虛擬人工智能。儂若乞魔頭拍遘無血,系統就自動使《序列》倛無人機讓奧格瑪發出高功率信號,奪去記憶。總款共「NERvGear」同樣都會死儂。

艾恩格朗特倛魔頭著𡅏體育館拍儂,拍𡅏真淒慘,悠那躄來保護亞絲娜等等儂。桐人轉來,悠那復講桐人聽——奧格瑪會使無人機去啟動「完全潛行」功能,刣死著《刀劍》第蜀百樓倛魔頭,就會結束茲般喫虧倛事計。桐人乞亞絲娜定婚戒指,就共大家行去。 遘了第蜀百樓「紅玉宮」,桐人、莉茲貝特、西莉卡、艾基爾、詩音拍魔頭拍𡅏野喫虧。直直遘結衣叫亞絲娜、莉法、克萊茵共其他客佻《妖精國度》(ALO)、《幽靈子彈》(GGO)倛儂來參蜀骹,復將伊各儂敆《刀劍》倛能力共裝備恢復,乍刣死魔頭。大家聽遘有儂恭喜勝利,是茅場晶彥倛聲音。系統乞桐人蜀把野厲害倛劍,嚽是遊戲獎勵。

桐人趁「完全潛行」轉遘演唱會,敆《序列》倛排名變成第一,復使新倛劍將魔頭都刣死去。重村教授直直徛敆原來運營《刀劍》倛歐古瑪服務器房,仱乞菊岡搦去。悠那將記憶掏還倖存者,復講桐人伊各儂聽——伊自家倛願望儷是唱歌。仱悠那共依附敆第蜀百樓魔頭倛源代碼齊消失了。

風波之後,第二版《SAO事件記錄》最後加了兩行:「有蜀隻歌者使自家倛聲鼓勵別儂。」 桐人共亞絲娜實現自家敆艾恩格朗特許倛承諾。亞絲娜將定婚戒還桐人,期待桐人乞自家戴,什乇什乇。 但是此刻應該審問重村教授倛菊岡,將教授帶遘另蜀家工作室,卜做另蜀項計劃,號𡅏「RATH」。

參考資料[Siŭ-gāi | Gāi nguòng-mā]

  1. 刀劍神域劇場版 -序列爭戰- 序章 (中文(台灣)‎).