參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.
十字路，也號𡅏實兆遠（馬來語：Sitiawan），是馬來西亞霹靂州曼絨縣其蜀隻地區。嚽所福州儂野価，故此復告小福州。
1903年9月，363隻奉教其福州儂，包括72隻女界共55隻伲囝哥，因爲厝裡野逼，坐船遘了十字路。牧師林稱美、柳依美等等帶𡅏伊各儂，敆牧師樓住下。傳說伊各儂落船其時候，互相講：「實在遠，實在遠！」遘尾這地方就告「實兆遠」了。只価移民大多數敆十字路其橡膠種植園工作。
福州移民故敆1930年代共1950年代掘了4隻井。只価井一直留下，㑚是後首無使了。
