挪亞方舟

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.

---

挪亞方舟

挪亞方舟（或且寫做「諾亞方舟」），也號𡅏挪亞大船，是《聖經》裡勢耶和華上帝告挪亞起其蜀隻野大其船。按《聖經》其講法，世界發生大洪水其前後，挪亞蜀厝儂共野価動物、植物覭着船懸頂，故此無事計。

故事

維基圖書館有相關原始文獻

福州土腔聖經/創世記/7

《創世紀》講，上帝看見大地懸頂到處都是儂𡅏做呆事，拍算做溪水乞伊除去。

一耶和華共挪亞講、落者世代中間、我見汝是義人着我面前、汝仱共汝一厝𠆧、都上大船。

伊復發現有蜀隻號𡅏挪亞其，是義人。就告伊做方舟，也就是蜀隻大大其船。

二該當揀清潔其頭生、牯七頭牳七頭、賣清潔其頭生、牳牯二頭。三天禮其鳥、也帶牯七頭、牳七頭、以致留者種類落地上。

帶𡅏伊老媽囝共各種頭牲、鳥囝屈大船𡅏，所有動物都着有牯有牳。

六當洪水浸者地時候、挪亞已經六百歲。七挪亞就共𡚸仔連媳婦、都上去大船、避者洪水。八清潔其頭生、共賣清潔其頭生飛鳥、共爬地兜各種蟲蟻。九牳牯相配、都跟挪亞入去大船禮、照上帝所命其話。十過七日後、洪水浸者地。

大船乍做好，此刻做溪水。

十八水勢落地上莽漲莽高、船落水面浮來浮去。十九水勢落地上漲頂高、普天下高山都浸去。二十水勢高去山、一丈五尺、山嶺都㵥去。二一凡務血氣活着世上其飛鳥、頭生野獸、共爬地兜其蟲蟻、連𠆧、都浸死。二二大凡着乾地禮、有鼻通呼吸其氣、攏總都死。二三着地面其衆生、自𠆧至六畜、蟲蟻、天禮其鳥、都滅亡、惟獨挪亞共齊着船禮其、都留伊活命。

除𡅏大船裡勢其活命，別其都死了。

歌曲

馬來西亞詩巫有蜀題福州歌，紀念者故事，就號𡅏《諾亞方舟》。歌是總款唱其：

當時諾亞，是個義人；
信主的話，豫備方舟。
蜀家八口，完全得救；
伊的後裔，流傳五大洲。