晉安東嶽廟

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.

---

東嶽廟敆福州東門外易俗里東岱山山骹，也就是晉安區岳峰鎮東岳前，供東嶽大帝。

來由

傳講北宋徽宗宣和六年（1124年），福州有蜀隻舉人，姓林，秋天上京考試。行遘山東，有蜀日暝晡，伊敆旅社去睏，看見溫、康二將去討伊，講：「汝功德故未滿，去考也考儥中。會去泰山躒蜀躒，對汝以後其仕途有乇使。」遘尾發現是夢。只隻林舉人相信，嚽是神明指點，就決定伓去考了。第二日，伊趕遘東岳泰山。裡遘岱廟其時候，伊發現前首其兩尊神像，共伊夢遘其蜀樣。他趕緊䟛上去跪拜，禱求保佑。故請畫畫其師父畫下二神寶像，帶轉福州，供敆東岳泰山廟。