砒霜

Chók-cê̤ṳ Wikipedia
跳至導覽 跳至搜尋

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.


砒霜

砒霜,化學名稱是三氧化二砷(As2O3),是蜀種特別其白色粉粉,樣式像。鼻齅無味,喙食無味。古底儂講其「砒」,就是化學元素。因為三氧化二砷其樣式嘢像霜,故此號𡅏「砒霜」。

生產[Siŭ-gāi | Gāi nguòng-mā]

  • 雌黃(三硫化二砷)氧化,就得遘砒霜共二氧化硫。
  • 水解三氯化砷,就得遘砒霜共鹽酸。

毒性[Siŭ-gāi | Gāi nguòng-mā]

古底因為技術落後,做出其砒霜底裡有嘢価硫化物,故此顏色是紅其,叫做「鶴頂紅」。因為銀容易共硫起化學反應,變成烏色其硫化銀,故此古底真稠使銀來試毒。現來技術進步了,做出其砒霜都是白色其,純度嘢懸,底裡㑚有三氧化二砷,無硫化物,故此使銀也試無挃出了。

砒霜劇毒。㑚使食仂囝就會死儂。食遘腹𦚱底,馬上發生急性砷中毒,食管有燒灼感覺,接下就是病吐瀉,固加瀉出其乇帶血,屎作紅丹丹咯,最後器官衰竭死儂。就算無食喙𡅏,鼻齅仂囝或者皮膚接觸仂囝,也會發生急性砷中毒,乍開始呼吸道或者皮膚受遘嚴重刺激,仱接下就是長期其神經問題,包括頭疼、頭眩。

解藥[Siŭ-gāi | Gāi nguòng-mā]

  • 二巰丙磺鈉注射液,有效成分是2,3-二巰基丙磺酸鈉,也號𡅏「解砷靈」。
  • 2,3-二巰基丁二酸鈉
  • 二巰基丙醇(BAL)