筆

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.

筆是文具，掏𡅏寫字、畫畫。

大部分其筆，是敆紙懸頂或者其他固體表面，通過筆尖使有顏色其固體或者液體（比如講墨水）寫字、畫畫。也有筆是敆表面刻出符號共圖畫，嚽利用了固體筆尖比寫字其表面硬其特性。現在普遍使用其，是簽字筆共圓珠筆。畫畫或者做藝術底稿，大部分使鉛筆。

古代稠使其筆共現代也𣍐蜀樣。敆中國，使其是毛筆。古希臘、古羅馬其時代，有儂敆木板面上塗蠟，之後使鐵棒敆蠟面懸頂寫。古代埃及共波斯，也有儂掏蘆葦杆刡尖做筆使。趁中世紀以來，敆歐洲共美洲，儂就是使蘆葦筆或者鵝毛筆。兩種筆因為筆尖材質不同，粗細差別野大。毛筆筆尖軟軟喏，寫字是園轉其。而蘆葦筆為硬質筆尖，寫字其時候方正多角。

今旦筆其種類野価，生產方式也相當多樣。雖然拍字機共鍵盤、輸入法提供了另蜀種方式寫字，筆故是主要其寫作手段。有其儂買筆，愛看類型共品牌，什乇貴就買什乇，嚽有時候乞當做身份其象徵。