維克多·雨果

Chók-cê̤ṳ Wikipedia
跳至導覽 跳至搜尋

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bāng-buōng.


Victor Hugo.jpg
法文名 viktɔʁ maʁi yɡo
英文名 Victor Hugo
中文名 維克多·雨果
出生 1802年2月26號
法國貝桑松
死亡 1885年5月22號
法國巴黎
安息地 先賢祠
職業 文學家、劇作家、人權活動家
信仰 自由主義、人道主義
政黨 獨立自由黨(1871)
共和黨(1876-1885)

維克多·雨果(Victor Hugo,1802年2月26號遘1885年5月22號),是蜀隻法國作家。伊是19世紀前期積極浪漫主義人道主義其代表人物,著法國文學史懸頂傑出其資產階級民主作家,儂告伊「法蘭西莎士比亞」。雨果一生寫了野価詩歌小說劇本散文、文藝評論共政論文章,對法國共世界產生了深遠其影響。伊其代表作有長篇小說《九三年》、《巴黎聖母院》、《悲慘世界》等。

生平[Siŭ-gāi | Gāi nguòng-mā]

1855年其雨果

1802年,雨果出生敆法國貝桑松,有兩隻哥哥。敆十三歲其辰候,伊共哥哥遘寄讀學校就學,兄弟都成為了學生領袖。雨果敆16歲辰候就會寫優美其詩,21歲就會出版詩集。1845年,法王路易·菲利普授予雨果上議院議員職位,雨果趁遐時候開始專心從政。1848年,法國二月革命爆發,法王被迫退位。雨果敆茲萆時期七處奔走,宣傳革命,乞儂愛戴,得遘新共和政體其尊敬,晉封伯爵,故當選國民代表共國會議員。三年後,拿破侖三世稱帝,雨果對伊大加攻擊,故此乞放逐國外。之後20年裡勢,伊各處漂泊,也敆茲萆時期寫完小說《悲慘世界》。1870年,法國恢復共和政體,雨果也結束了流亡生涯,轉遘法國。1885年,雨果去世,敆潘德拉舉行國葬,乞葬著先賢祠

人物經歷[Siŭ-gāi | Gāi nguòng-mā]

早年經歷[Siŭ-gāi | Gāi nguòng-mā]

1802年2月26日,維克多·雨果出生敆法國貝桑松(Besançon)其蜀萆軍官家庭,伊郎爸勃魯都斯·雨果拿破侖麾下其蜀隻將軍。趁中學時代開始,雨果就愛文學創作,也會寫詩。伊其文學活動,趁伊乞《文學保守派》雜誌寫稿開始。雨果其頭蜀部長篇小說《漢·伊斯蘭特》得遘了小說家諾蒂埃其贊賞。故此雨果共諾蒂埃結緣,也開始轉向浪漫主義派,並且慢慢成為浪漫派其首領。

1819年,雨果共詩人維尼等儂創辦《保守文藝雙周刊》。嚽大概是因為伊做細受家庭其影響,最早其作品野価是歌頌保王主義共宗教其。

1822年雨果發表頭蜀本詩集《頌歌集》,得遘路易十八其年金賞賜,之後伊相繼出版《新頌歌集》共《頌詩與長歌》,敆內容共形式懸頂都有突破。這時候,伊故發表兩部中篇小說——《冰島魔王》共《布格·雅爾加》。

1823年,隨𡅏自由主義罔變罔流行,雨果其政治態度發生改變,伊共浪漫派文藝青年繆塞大仲馬等儂組成「第二文社」,開始明確反對偽古典主義。

鋒芒漸露[Siŭ-gāi | Gāi nguòng-mā]

1827年,雨果乞自家其劇本克倫威爾》(Cromwell)寫了長篇序言,也就是浪漫派文藝宣言。雨果反對古典主義其藝術觀點,並且提出了浪漫主義文學其主張:堅持反對敆文學裡勢公式化表現情節,著具體表現情節。伊特別宣揚滑稽醜怪共崇高優美其對照原則。茲篇序言就成為聲討古典主義其檄文、浪漫主義運動其重要宣言、浪漫主義文藝理論其經典,敆法國文學批評史懸頂佔有野重要其地位。

1830年,法國發生了「七月革命」,封建復辟王朝乞推翻。雨果贊揚了革命,歌頌許些革命者,寫詩哀悼許些敆巷巷裏勢犧牲其英雄。敆七月革命之後,雨果故堅定了伊政治左翼其道路。

1831年,雨果其長篇小說《巴黎聖母院》(Notre-Dame de Paris)問世,茲部小說是雨果最富有浪漫主義其小說之一。小說寫了善良其吉普賽少女愛斯梅拉達,伊生敆中世紀封建專制下底,乞摧殘、迫害。茲隻悲劇反映了專制社會其黑暗、反動教會其猖獗共司法制度其殘酷,表達了雨果反封建其思想。

低迷時期[Siŭ-gāi | Gāi nguòng-mā]

1841年,雨果遘法蘭西學士院(Academie français)學習。

1841年,雨果自家寫批,乞詩人戈蒂耶

1843年,雨果創作了神秘主義劇本《衛戍官》,公演其辰候,觀眾大哄

1845年,雨果乞法王路易·菲力浦封為法蘭西貴族世卿,並且成為了貴族院議員。

1848年六月革命後,雨果慢慢趨向共和派。敆總統選舉裡勢,雨果投出了支持拿破侖三世其蜀票。

1851年12月,拿破崙三世發動政變,宣布恢復帝制,鎮壓反對伊其儂。雨果無辦法,流亡國外19年。流亡其時間裡勢,雨果其文學創作一直無停,不斷創作文學作品,共拿破侖政權鬥爭。

1852年,雨果出版了蜀本政治其冊——《小拿破侖》,嘲笑拿破崙三世,同時故寫了揭露伊政變過程其冊《罪惡史》。

1853年,政治諷刺詩集《懲罰集》問世。《懲罰集》充滿了革命氣勢,敆第二次世界大戰其辰候,成為鼓舞愛國其儂反納粹其乇。

1856年,雨果出版了詩集《靜觀集》,詩集裡勢概括了雨果敆1830年遘1855年間其思想感情。

1861年11月25日,雨果寫了《就英法聯軍遠征中國乞巴特勒上尉其批》,成為了中國野価版本語文教材裡其課文。

晚年高峰[Siŭ-gāi | Gāi nguòng-mā]

1862年,雨果其長篇小說《悲慘世界》問世,書臺中描寫了冉阿讓、芳汀、珂賽特、沙威等栩栩如生其形象,揭露了資本主義社會其尖銳矛盾共貧富懸殊,描寫了下層人民其痛苦命運,提出了當時社會其三隻迫切問題:貧窮讓男界潦倒,饑餓讓女界墮落,黑暗讓兒童羸弱。指出了資產階級法律其虛偽。

1870年3月,拿破侖三世垮臺後,雨果轉遘巴黎,受遘巴黎人民歡迎[1]。敆普法戰爭臺中,雨果發表演說鼓舞人民鬥誌,故報名參加國民自衛軍。

1871年,雨果當選國民大會代表。

1871年3月,巴黎公社起義辰候,雨果無理解茲蜀回革命。但是敆公社失敗之後,反動政府鎮壓公社社員其行為,讓雨果復憤怒譴責反動派其做法。伊呼籲赦免全部公社社員,故敆報紙懸頂宣布,將自己敆比利時首都布魯塞爾乞流亡其社員住,作為伊各儂其避難所[2]

1872年,雨果刊行詩集日記《兇年集》,表達了伊敆普法戰爭共巴黎公社方面其思想感情。

1874年,雨果最後蜀部重要作品《九三年》問世。雨果趁1862年開始創作茲隻小說,遘1872年乍完成。小說將1793年法蘭西共和國軍隊鎮壓旺岱地區叛亂茲蜀萆歷史事件作為題材,表現了資產階級革命其歷史內容。書裏勢描繪了封建貴族、共和軍其形象,共雅各賓專政時期其革命氣氛。

1876年,雨果當選法國參議員

1878年,雨果敆伏爾泰去世100周年紀念日其辰候發表演說,頌揚伏爾泰,受遘民眾歡迎。同年伊組織創立國際文學藝術協會(The International Literary and Artistic Association,ALAI)。

1883年,雨果完成《世紀傳說》,趁1859年雨果就開始創作茲隻小說。全書共3卷,將《聖經》故事、古代神話、民間傳說為題材。

1885年5月22日,維克多·雨果敆巴黎去世。法國舉行國葬,遺體安葬敆專門安葬偉人其先賢祠

參考資料[Siŭ-gāi | Gāi nguòng-mā]

  1. Hugo Victor, Choses vues, 1870-1885, Gallimard, 1972, 2-07-036141-1, p.257.
  2. Actes et paroles: 1870-1871-1872

維基共享有相關檔案:維克多·雨果