臨水奶

Chók-cê̤ṳ Wikipedia
跳至導覽 跳至搜尋

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bāng-buōng.


Confusion grey.svg
注意:只塊介紹其伓是陳靖姑_(戲齣)
塔亭臨水陳太后祖廟(福州陳靖姑祖廟),位置著倉山區臨江街道塔亭路6號
臨水夫人故居,位置著福州市倉山區下渡街道工農路
臺灣臺南臨水夫人媽廟

臨水奶[1]陳靖姑,就是「臨水陳太后」,是福建臺灣其在地福州儂也叫伊「娘奶」「夫人奶」。

據說陳靖姑唐朝時候出世着福州下渡。伊13歲就乞罷奶嫁遘坵塍[1]15歲逃婚去學習道家法術,18歲復去坵塍結婚。結婚之後敆福州各處牧病救儂,開始出名。24歲帶身敆厝𡅏其辰候,伊哥陳守元因爲求雨無成功,得罪該當刣頭,就向伊求救。故此陳靖姑脱胎去龍潭角求雨,拯救百姓,但是乞長坑鬼害死去。閩王加封陳靖姑做「崇福昭惠臨水夫人」,俗稱「臨水奶」。臨水奶變做神以後,到處顯靈,造福人民,庇佑伲囝哥。

文化禮俗[Siŭ-gāi | Gāi nguòng-mā]

馬祖南竿牛峰境五靈公廟神龕

做出幼[Siŭ-gāi | Gāi nguòng-mā]

馬祖有「牛角做出幼」其活動[2],也就是後生囝成年禮[3]。只芘活動敆南竿鄉復興村(舊底號𡅏牛角村)牛峰境五靈公廟之臨水夫人神龕前首做,故此告「牛角做出幼」。地區信仰臨水夫人護佑小孩平安長大,故此活動也感謝臨水夫人其護佑。

擺嬭、喜碟[Siŭ-gāi | Gāi nguòng-mā]

「擺嬭」(ㄅㄝˇㄋㄝ)是馬祖話。「擺」,就是擺設供品。「嬭」就是指臨水嬭,馬祖儂對臨水夫人暱稱「嬭」。當地其信徒會揀好日子,敆神龕前首擺供神明其乇,祈求生兒育女。按習俗,馬祖南竿鄉復興村(牛角村)會供上嬰兒其鞋。福澳村西莒島會供熟雞卵,卵懸頂插紅色或者白色其花。插紅花求諸娘囝,插白花求丈夫囝。嚽就是求子其神物了。運送花卵其儂,也有性別其要求。敆福澳村,愛挃丈夫囝其人家限由男界送。敆西莒,由好命其或且清白其女界持送[4]。這「擺嬭」其文化,福澳社區復告「喜碟」。

參考資料[Siŭ-gāi | Gāi nguòng-mā]

  1. 1.0 1.1 李如龍. 福州方言詞典. 1994. 188. 
  2. 秋季三大慶典 牛角做出幼成年禮19日率先登場. 連江縣政府文化處. 
  3. 馬祖日報2016/10/01影音/牛角做出幼成年禮 學生著漢服行過關儀式. 馬祖日報社 (YouTube). 2016-10-01. 
  4. 陳高志. 說「擺嬭」——以牛角、福澳、西莒村俗為例. 2018-03-20.