Mìng-nàng-ngṳ̄

Lài-nguòng: Wikipedia
Tiéu gáu: īng-dô̤sìng-tō̤

Chăng-kō̤ Mìng-dĕ̤ng-ngṳ̄ Háng-cê gì bēng-buōng. / 參考閩東語漢字其版本。





Mìng-nàng-ngṳ̄
Bân-lâm-gú/閩南語
sāi gì guók-gă Dṳ̆ng-guók, Dài-uăng, Hiŏng-gē̤ng, Mā-lài-să̤-ā, Sĭng-gă-pŏ̤...
ciō-iéu dê-kṳ̆ Dṳ̆ng-guók Hók-gióng nàng-buô, Guōng-dĕ̤ng dĕ̤ng-buô, Ciék-gŏng nàng-buô gâe̤ng Dài-uăng
gōng gì ìng-kēu 4900 uâng
hiê-sṳ̆k
Háng-cáung-ngṳ̄-hiê
  • Háng-ngṳ̄-cŭk
    • Mìng-ngṳ̄-ciĕ
      • Mìng-nàng-ngṳ̄
ùng-cê Háng-cê
Băh-uâ-cê
Guăng-huŏng dê-ôi
guăng-huŏng dê-ôi mò̤
guāng-lī gĭ-gáiu mò̤
ngṳ̄-ngiòng dâi-mā
ISO 639-1 zh
ISO 639-2 chi (B)
zho (T)
ISO 639-3 nan
Banlamgu.svg
Mìng-nàng-ngṳ̄ sāi gì dê-huŏng

Mìng-nàng-ngṳ̄ (閩南語, Bân-lâm-gú) iâ hô̤ lā̤ Mìng-nàng-uâ(閩南話) hĕ̤k-ciā Â-nàng-uâ(下南話), sê Háng-ngṳ̄-cŭk Mìng-ngṳ̄-ciĕ â-dā̤ gì siŏh cṳ̄ng ngṳ̄-niòng. Ciā ngṳ̄-niòng iâ sê sāi-ê̤ṳng ìng-só có̤i sâ̤, īng-hiōng-lĭk có̤i duâi gì Mìng-ngṳ̄-ciĕ gì ngṳ̄-niòng. Mìng-nàng-ngṳ̄ huák-nguòng-dê sê Ciŏng-ciŭ gâe̤ng Ciŏng-ciŭ, dáng-sê ĭng-ôi Â-muòngcéng-dê gĭng-cá̤ dê-ôi, Â-muòng-kiŏng ék-buăng ké̤ṳk nè̤ng nêng-ùi sê biĕu-cūng.

Dê-lī hŭng-buó[Siŭ-gāi]

Mìng-nàng-ngṳ̄ hŭng-buó diŏh Mìng-nàng gì Ciòng-ciŭ, Â-muòng gâe̤ng Ciŏng-ciŭ, Dài-uàng duâi buô-hông dê-kṳ̆, Guōng-dĕ̤ng dĕ̤ng-buô gì Dièu-Sáng dê-kṳ̆ gâe̤ng Lòi-ciŭ buáng-dō̤ (Dièu-ciŭ-uâ), Hāi-nàng-dō̤, Mìng-să̤Lṳ̀ng-ngàng chê-kṳ̆ gâe̤ng Ciŏng-bìng, Mìng-dĕ̤ngHók-dīng, Ciék-gŏng nàng buô Chŏng-nàng, Bìng-iòng, Dông-tàu dê-kṳ̆, lièng Nàng-iòngHuà-ìng iè-mìng siâ-kṳ̆.

Lò̤-mā-cê[Siŭ-gāi]

Ciō dèu-mŭk: Băh-uâ-cê

Ké̤ṳk Mìng-dĕ̤ng-ngṳ̄Bàng-uâ-cê siŏh-iông, Mìng-nàng-ngṳ̄ iâ ô cê-gă gì lò̤-mā ùng-cê, hô̤ lō̤ Băh-uâ-cê.

Mìng-nàng-ngṳ̄ găk Dài-uàng[Siŭ-gāi]

Dài-uàng gì Mìng-nàng-ngṳ̄ gâe̤ng Hók-gióng gì Â-muòng kiŏng iā chiông. Găk Dài-uàng, Mìng-nàng-ngṳ̄ iâ hô̤ lō̤ "Dài-ngṳ̄"(臺語), "Dài-uàng-uâ"(臺灣話) gâe̤ng "Holo-uâ".

Ĭng-ôi céng-dê gì nguòng-ĭng, ô siŏh piĕ Dài-uàng-nè̤ng nêng-ùi "Dài-ngṳ̄" ng-sê "Mìng-nàng-ngṳ̄". Ĭ-gáuk-nè̤ng gì lī-iù sê, hiêng-gĭng gì "Dài-ngṳ̄" ī-gĭng téng Nĭk-ngṳ̄ dēng nguôi-ngṳ̄ diē-sié cióh-ĭk iā sâ̤ sṳ̀-ngṳ̄. Dáng-sê, cī cṳ̄ng gōng-huák mò̤ dáik diŏh Ngṳ̄-ngiòng-hŏk-gái gì sìng-nêng.

Wikipedia
Wikipedia ô Mìng-nàng-ngṳ̄ cī cṳ̄ng ngṳ̄-ngiòng gì bēng-buōng.
維基百科Mìng-nàng-ngṳ̄茲種語言其版本。