中洲基督教堂

中洲基督教堂（2023年拆遷以前）

中洲基督教堂是福州倉山區其一隻基督教教堂，起着閩江臺中其中洲島懸頂。

嚽塊最早是倪柝聲祖宗其地產。1948年，福州基督教信徒罔變罔価，倪柝聲將就這厝捐乞福州教會，改成教堂。中洲基督教堂是福州教會其第二隻聚會所，面積有600m²，會中讓1000儂同時來聚會，比津門路聚會所固𡅏大。

1952年，倪柝聲乞共產黨搦起唻，參加聚會其信徒開始變少。這教堂着文化大革命其辰候關門，遘1980年乍重新開起來。2002年因為中洲島改造，搬遘島其西墘。2023年中洲島景觀改造，這教堂乞拆遷，計劃敆閩江南墘重起。仱搬遘煙臺山其觀井路了。