Dŏng-ciŭ Gĭ-dók-gáu-dòng
 | Cī piĕng ùng-ciŏng ô Háng-cê gì bēng-buōng. Chăng-kō̤ ĭ gì Háng-cê bēng-buōng. 參考伊其漢字版本。 |
| Dŏng-ciŭ Gĭ-dók-gáu-dòng | |
|---|---|
|
中洲基督教堂 | |
 Dŏng-ciŭ Gĭ-dók-gáu-dòng (2023 nièng chiák-chiĕng ī-sèng) | |
| Cŭng-gáu | |
| Cŭng-gáu | Gĭ-dók-gáu |
| Ôi-dé | |
| Ôi-dé | Hók-gióng Hók-ciŭ Chŏng-săng-kṳ̆ |
| Guók-gă |
 Dṳ̆ng-guók |
| Cô̤-biĕu | 26°2′59.147″N 119°18′44.813″E / 26.04976306°N 119.31244806°E |
| Gióng-dê̤ṳk | |
| Kī gì sì-găng |
1948 nièng (có̤i cā) 2002 nièng (buăng-chiĕng) 2023 nièng (chiák-chiĕng) |
| Dê-dù | |
 | |
Dŏng-ciŭ Gĭ-dók-gáu-dòng (中洲基督教堂) sê Hók-ciŭ Chŏng-săng-kṳ̆ gì siŏh ciáh Gĭ-dók-gáu gáu-dòng, kī diŏh Mìng-gĕ̤ng dâi-dŏng gì Dŏng-ciŭ-dō̤ gà̤-dēng.
Cŭ-uái có̤i cā sê Ngà̤ Táuk-sĭng cū-cŭng gì dê-sāng. 1948 nièng, Hók-ciŭ gĭ-dók-gáu séng-dù muōng biéng muōng sâ̤, Ngà̤ Táuk-sĭng ciŏng cêu ciā chió giŏng ké̤ṳk Hók-ciŭ gáu-huôi, gāi siàng gáu-dòng. Dŏng-ciŭ Gĭ-dók-gáu-dòng sê Hók-ciŭ Gáu-huôi gì dâ̤ 2 ciáh cê̤ṳ-huôi-sū, miêng-cék ô 600 m2, â̤ dé̤ṳng niông 1000 nè̤ng dùng-sìng lì cê̤ṳ-huôi, bī Cĭng-muòng-lô Cê̤ṳ-huôi-sū (津門路聚會所) gó lā̤ duâi.
1952 nièng, Ngà̤ Táuk-sĭng ké̤ṳk Gê̤ṳng-sāng-dōng niăh kī lì, chăng-gă cê̤ṳ-huôi gì séng-dù kăi-sū biéng ciēu. Ciā gáu-dòng diŏh Ùng-huá Dâi Gáik-mêng gì sèng-âu guŏng-muòng, gáu 1980 nièng ciáh tṳ̀ng-sĭng kŭi kī lì. 2002 nièng ĭng-ôi Dŏng-ciŭ-dō̤ kŭi-huák, buăng gáu dō̤ gì să̤ gièng. 2023 nièng Dŏng-ciŭ-dō̤ gīng-guăng gāi-cô̤, ciā gáu-dòng ké̤ṳk chiák-chiĕng, gié-hĕk găk Mìng-gĕ̤ng nàng gièng tṳ̀ng kī. Dāng buăng gáu Iĕng-dài-săng gì Guăng-cīng-lô (觀井路) lāu.